ரூ.11,253 கோடி மதிப்புள்ள புதிய திட்டங்கள் அறிவிப்பு

சென்னை: தமி­ழ­கத்­தில் பள்­ளிக்­கல்வி, நக­ராட்சி நிர்­வா­கம், போக்­கு­வ­ரத்து உள்­ளிட்ட துறை­களில் 11,253 கோடி ரூபாய் மதிப்­பி­லான புதிய திட்­டங்­கள் செயல்­ப­டுத்­தப்­படும் என்று முதல்­வர் மு.க.ஸ்டா­லின் தெரி­வித்­துள்­ளார்.

தமி­ழக சட்­டப்­ பே­ர­வை­யில் 110 விதி­யின்­கீழ் அவர் அறிக்கை வெளி­யிட்­டார்.

அர­சுப் பள்­ளி­களில் ஏறத்­தாழ 26 ஆயி­ரம் புதிய வகுப்­ப­றை­கள், 7,500 கி.மீ. சுற்­றுச்­சு­வர் ஆகி­ய­வற்­றைக் கட்­டு­வ­தற்­கும் பரா­ம­ரிப்­புப் பணி­க­ளுக்­கும் மொத்­தம் ரூ.12,300 கோடி நிதி தேவை எனக் கண்­ட­றி­யப்­பட்­ட­தாக அவர் கூறி­னார்.

இத்­திட்­டங்­க­ளைப் படிப்­ப­டி­யாக நிறை­வேற்ற 'பேரா­சி­ரி­யர் அன்­ப­ழ­கன் பள்ளி மேம்­பாட்­டுத் திட்­டம்' அறி­விக்­கப்­பட்­ட­தா­க­வும் அதன்­கீழ், நடப்பு ஆண்­டுக்கு ரூ.1,430 கோடி நிதி ஒதுக்­கப்­பட்டு, பணி­கள் மேற்­கொள்­ளப்­ப­டு­வ­தா­க­வும் முதல்­வர் தெரி­வித்­தார்.

"தர­மான கல்­வியை அர­சுப் பள்­ளி­கள் வழங்கி வரு­வ­தால், கடந்த இரண்டு ஆண்­டு­களில் 15 லட்­சம் மாண­வர்­கள் அர­சுப் பள்­ளி­களில் கூடு­த­லா­கச் சேர்ந்­துள்­ள­னர்.

அதி­க­ரித்து வரும் மாண­வர் எண்­ணிக்­கைக்கு ஏற்ப புதிய வகுப்­ப­றை­கள் கட்­டத் திட்­ட­மி­டப்­பட்­டுள்­ளது.

ஊராட்சி ஒன்­றிய தொடக்­கப் பள்­ளி­கள், நடு­நி­லைப் பள்­ளி­கள் ஆகி­ய­வற்­றில் ரூ.800 கோடி­யில் 6,000 வகுப்­ப­றை­களும் உயர்­நிலை, மேல்­நி­லைப் பள்­ளி­களில் ரூ.250 கோடி­யில் 1,200 வகுப்­ப­றை­களும் நடப்பு ஆண்­டில் கட்­டப்­படும்.

"பள்­ளி­க­ளின் பரா­ம­ரிப்­புக்­காக கூடு­த­லாக ரூ.115 கோடி ஒதுக்­கப்­பட்­டுள்­ளது," என்­றார் திரு ஸ்டா­லின்.

அத்­து­டன், சென்னை மாந­க­ராட்சி, இதர மாந­க­ராட்­சி­கள், நக­ராட்­சி­கள், பேரூ­ராட்­சி­கள் ஆகி­ய­வற்­றில் உள்ள பழு­த­டைந்த சாலை­கள் விரை­வில் மேம்­ப­டுத்­தப்­படும்.

இதற்­காக, அர­சின் சிறப்பு நிதி­யாக, நடப்பு நிதி­யாண்­டி­லேயே ரூ.2,200 கோடி வழங்­கப்­பட்டு, 4,600 கி.மீ. நீள சாலை­கள் மேம்­ப­டுத்­தப்­படும் என்று அவர் குறிப்­பிட்­டார்.

"சிங்­கா­ரச் சென்னை 2.0, மாநில நிதிக் குழு மானி­யத் திட்ட நிதி, கலை­ஞர் நகர்ப்­புற மேம்­பாட்­டுத் திட்­டம், தேசிய விவசாய மற்றும் கிராமப்புற வளர்ச்சி (நபார்டு) வங்கி நிதி­யு­த­வித் திட்­டம் உள்­ளிட்ட பல்­வேறு நிதி­களை ஒருங்­கி­ணைத்து, 7,388 கோடி­ ரூபாயைப் பயன்படுத்தி 16,390 கி.மீ. நீளமுள்ள சாலை­கள் படிப்­ப­டி­யாக மேம்­ப­டுத்­தப்­படும்.

"மக­ளி­ருக்கு கட்­ட­ண­மில்லா பேருந்து வசதி செய்­யப்­பட்­டுள்­ள­தால், அன்­றா­டம் சரா­ச­ரி­யாக 44 லட்­சம் பெண்­கள் பல­ன­டை­கி­றார்­கள். இதன்­மூ­லம் மக­ளி­ருக்கு ரூ.2 ஆயி­ரம் கோடி சேமிப்­பாக மாறி­யுள்­ளது," என்று முதல்­வர் கூறி­னார்.

"மேலும் ரூ.500 கோடி­யில் 1,000 புதிய பேருந்­து­களை வாங்க தமி­ழக அரசு முடி­வெ­டுத்­துள்­ளது. பாது­காப்­பான நிலை­யில் உள்ள 1,000 பழைய பேருந்­து­களை புதுப்­பிக்­க­வும் அறி­வு­றுத்­தப்­பட்­டுள்­ளது.

"ஜெர்­மன் வளர்ச்சி வங்­கி­யின் நிதி­யு­த­வி­யில் 2,213 டீசல் பேருந்­து­கள், 500 மின்­சா­ரப் பேருந்­து­கள் ஆகியவற்றை வாங்­க­வும் உலக வங்கி ஆத­ர­வு­டன் மேலும் 1,000 இல­வ­சப் பேருந்­து­களை இயக்­க­வும் நட­வ­டிக்கை எடுக்­கப்­பட்­டுள்­ளது," என்று முதல்­வர் கூறினார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!