பிணை மறுப்பு; மருத்துவர்களைத் தேடும் மூன்று தனிப்படைகள்

சென்னை: காற்­பந்து வீராங்­கனை பிரியா மர­ணம் தொடர்­பாக குற்­றம் சாட்­டப்­பட்ட மருத்­து­வர்­கள் இரு­வ­ருக்­கும் முன்­பிணை வழங்க சென்னை உயர் நீதி­மன்­றம் மறுத்து­விட்­டது.

சர­ண­டைந்­தால் மருத்­து­வர்­க­ளின் பாது­காப்பை மாநில அரசு உறுதி செய்­யும் என்­றும் நீதி­பதி உத்­த­ர­வில் குறிப்­பிட்­டார்.

முன்­ன­தாக, மாண­விக்­குச் சிகிச்­சை­ய­ளித்த மருத்­து­வா்­கள் பால் ராம்­சங்கா், சோம­சுந்தா் ஆகியோா் பணி­யிடை நீக்­கம் செய்­யப்­பட்­டனா்.

இதைத்­தொ­டர்ந்து மருத்­து­வர்­கள் இரு­வ­ரும் தலை­ம­றை­வாக இருந்து வரு­கின்­ற­னர்.

இதை­ய­டுத்து, அவர்­க­ளைப் பிடிக்க கொளத்­தூர் காவல் துணை ஆணை­யர் தலை­மை­யில் மூன்று தனிப்­ப­டை­கள் அமைக்­கப்­பட்டு காவல்­து­றை­யி­னர் தேடி­வ­ரு­கின்­ற­னர்.

இந்­நி­லை­யில், "மருத்துவர்கள் கைது செய்யப்பட்டால் அரசு மருத் துவர்கள் சங்கம் தீவிர போராட் டத்தில் ஈடுபடும்," என்று மதுரையில் அரசு மருத்துவர்கள் சங்க மாநிலத் தலைவர் செந்தில் எச்சரிக்கை விடுத்துள்ளார்.

சென்னை உயர் நீதி­மன்­றத்­தில் முன்பிணை கோரி மருத்­து­வர்­கள் தாக்­கல் செய்த மனு­வில், "மாணவி உயி­ரி­ழந்­தது துர­தி­ருஷ்­ட­வ­ச­மா­னது. பல்­வேறு அறுவை சிகிச்­சை­களை நாங்­கள் வெற்­றி­க­ர­மா­கச் செய்­துள்­ளோம். நாங்­கள் அறுவை சிகிச்சை செய்த பலர், இப்­போது நல­மாக உள்­ள­னர்," என்று குறிப்பிட்டிருந்தனர்.

இத­னி­டையே, கவ­னக்­கு­றை­வாக இருந்­த­வர்­கள் மீது நட­வ­டிக்கை எடுக்­கப்­படும் என்று அமைச்­சர் சுப்­பி­ர­ம­ணி­யன் தெரி­வித்­துள்­ளார். "ஏற்­கெ­னவே கூறி­ய­படி வெளிப்­ப­டைத் தன்­மை­யோடு விசா­ரணை நடை­பெற்­றுக்கொண்­டி­ருக்­கிறது.

"அறுவை சிகிச்­சை­யைப் பொறுத்­த­வரை துல்­லி­ய­மாக, மிக­வும் சிறப்­பா­கச் செய்­துள்­ள­னர். அதில் குறை­யில்லை. ஆனால், அறுவை சிகிச்­சை­யின்­போது ஒரு சிறு கட்டு போட்­டுள்­ள­னர். அதனை உட­ன­டி­யாக எடுத்­தி­ருக்கவேண்­டும். எடுக்­கா­மல் மறந்துபோனது ­தான் கவ­னக்­கு­றை­வுக்­கான முக்­கி­யக் கார­ணம். இத­னால்­தான் மாணவி உயி­ரி­ழந்­துள்­ளார்.

"இந்தக் கவ­னக்­கு­றை­வுக்­கும் அலட்­சி­யத்­துக்­கும் கார­ண­மா­ன­வர்­கள் கண்­ட­றி­யப்­பட்டு அவர்­கள் மீதான நட­வ­டிக்கை தொடர்ந்து கொண்­டி­ருக்­கிறது," என்று அமைச்­சர் மா. சுப்­பி­ர­ம­ணி­யன் கூறி­னார்.

சென்னை புளி­யந்­தோப்பு பகு­தி­யைச் சேர்ந்த பிரியா, 17, ராணி மேரி கல்­லூ­ரி­யில் படித்து வந்­தார். அவ­ரது வலது கால் மூட்டு சவ்வு வில­கி­ய­தால் பெரி­யார் நக­ரில் உள்ள அரசு மருத்­து­வ­ம­னை­யில் அறுவை சிகிச்சை செய்யப்பட்­டது.

ஆனால், தொடர்ந்து வலி இருந்­த­தால், ராஜீவ் காந்தி அரசு பொது மருத்­து­வ­ம­னை­யில் அனு­ம­திக்­கப்­பட்ட பிரி­யா­வின் வலது கால் அகற்­றப்­பட்­டது. இதைத்தொடர்ந்து, சிறு­நீ­ர­கம், ஈரல் உள்­ளிட்ட உறுப்­பு­கள் பாதிக்­கப்­பட்டு, கடந்த 15ஆம் தேதி பிரியா உயி­ரி­ழந்­தார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!