அதிமுக அடுத்தடுத்து போராட்டம்

சென்னை: திமுக அர­சுக்கு எதி­ராக இந்த மாதம் அடுத்­த­டுத்து மூன்று நாள்­கள் ஆர்ப்­பாட்­டம் நடத்த அதி­முக இடைக்­கா­லப் பொதுச் செய­லா­ளர் எடப்­பாடி பழ­னி­சாமி வியூ­கம் வகுத்­துள்­ளார். அதன்­படி டிசம்­பர் 9, 13, 14 ஆகிய நாள்­களில் தமி­ழ­கம் முழு­வ­தும் அதி­மு­க­வி­னர் வீதி­களில் இறங்கி ஆர்ப்­பாட்­டம் செய்ய உள்­ள­னர்.

மின்­கட்­டண உயர்வு, பால் விலை உயர்வைக் கண்­டித்­தும் எடப்­பாடி பழ­னிசாமி அறி­வு­றுத்­த­லில் அதி­மு­க­வி­னர் தமி­ழ­கம் முழு­வ­தும் ஆர்ப்­பாட்­டம் நடத்­தி­னர். கோவை யில் நேற்று முன்தினம் உண்ணா விரதப் போராட்டம் நடைபெற்றது. அதில் பாஜகவினரும் கலந்து கொண்டனர்.

இது­தொ­டர்­பாக அவர் வெளி­யிட்­டுள்ள அறிக்­கை­யில், "தமி­ழ­கத்­தில் கொலை, கொள்ளை, வழிப்­பறி, ஆள்­க­டத்­தல், பாலி­யல் வன்­கொ­டு­மை­கள், பெண்­க­ளுக்கு பாது­காப்­பின்மை, சமூக விரோ­தி­க­ளின் ஊடு­ரு­வல் போதைப்­பொ­ருள் புழக்­கம், ரவு­டி­க­ளின் அரா­ஜ­கங்­கள் மற்­றும் குண்­டு­வெ­டிப்­புச் சம்­ப­வங்­கள் நிகழ்ந்­துள்­ளன.

"மாநி­லத்­தில் சட்­டம் ஒழுங்கு சீர்­கேடு அடைந்­துள்­ளது.

"மக்­களை வாட்டி வதைத்து வரும் செயல்­களில் மட்­டுமே தொடர்ந்து ஈடு­பட்டு வரும் திமுக அர­சைக் கண்­டித்­தும் உயர்த்­தப்­பட்ட கட்­ட­ணங்­களை உட­ன­டி­யாக திரும்­பப் பெற வலி­யு­றுத்­தி­யும் டிசம்­பர் 9ஆம் தேதி பேரூ­ராட்சி, டிசம்­பர் 13ல் நக­ராட்சி, மாந­க­ராட்சி பகு­தி­க­ளி­லும் டிசம்­பர் 14ல் ஒன்­றி­யங்­க­ளி­லும் அதி­முக அமைப்பு ரீதி­யான அனைத்து மாவட்­டங்­க­ளி­லும் மாபெ­ரும் கண்­டன ஆர்ப்­பாட்­டங்­கள் நடை­பெ­றும்," என்று எடப்­பாடி பழ­னி­சாமி தமது அறிக்­கை­யில் குறிப்­பிட்­டுள்­ளார்.