தமிழ்நாட்டில் உற்சாகத்துடன் பொங்கிய பொங்கல்

தை மாதம் முதல் நாளான இன்று தமிழ்நாட்டில் பொங்கல் விழா கோலாகலமாக கொண்டாடப்பட்டு வருகிறது. அதிகாலையில் எழுந்து, புத்தாடை அணிந்து, கோலங்கள் போட்டு, புதிய பொங்கல் பானைகளில் புது அரிசியில் பொங்கல் வைத்து மக்கள் உற்சாகமாக கொண்டாடி வருகின்றனர்.

கொவிட்-19 கிருமி பரவல் காரணமாக கடந்த ஈராண்டுகளாக தமிழ்நாட்டில் பொங்கல் பெரியளவில் கொண்டாப்படவில்லை. இந்த ஆண்டு கட்டுப்பாடுகள் தளர்த்தப்பட்ட நிலையில், பொங்கலோடு உற்சாகமும் பொங்கியது.

பொங்கல் பண்டிகையையொட்டி தமிழ்நாட்டின் பெரும்பாலான கோயில்களிலும் சிறப்பு வழிபாடு நடைபெற்றது.