கோயில் திருவிழா விபத்து; இறந்தோர் 4ஆக அதிகரிப்பு

24 Jan 2023 - 5:30 am

1 mins read

அரக்கோணம்: அரக்கோணம், ராணிப்பேட்டை மாவட்டம் நெமிலி அருகே கீழவீதி கிராமத்தில் உள்ள மண்டியம்மன் கோயில் திருவிழாவில் பாரந்தூக்கி சாய்ந்து, விபத்து நிகழ்ந்தது. இதில் இறந்தவர்களின் எண்ணிக்கை 4க்கு அதிகரித்துள்ளது.

நேற்று நடந்த மயிலேறு நிகழ்ச்சியின்போது எதிர்பாராத விதமாக பாரந்தூக்கி கவிழ்ந்தது.

இந்தச் சம்பவத்தில் முத்து குமார், 39, பூபாலன், 40, ஜோதிபாபு, 19 ஆகிய மூவர் சம்பவ இடத்திலேயே உயிரிழந்தனர்.

எட்டுக்கும் மேற்பட்டோர் படுகாயம் அடைந்தனர். காயம் அடைந்தவர்களை புன்னை மருத்துவமனைக்கும் அரக்கோணம் அரசு மருத்துவமனைக்கும் சிகிச்சைக்காக கொண்டு செல்லப்பட்டனர்.

சிலருக்கு அரக்கோணம் அரசு மருத்துவமனையில் முதலுதவி சிகிச்சை அளிக்கப்பட்டு, மேல் சிகிச்சைக்காக திருவள்ளூர் அரசு மருத்துவமனைக்கு அனுப்பி வைக்கப்பட்டனர்.

இந்த நிலையில் அங்கு சிகிச்சை பெற்று வந்த பேரப்பேரி கிராமத்தைச் சேர்ந்த சின்னசாமி என்பவர் சிகிச்சை பலனின்றி நேற்று காலை உயிரிழந்துள்ளார்.

இதன் மூலம் கோவில் திருவிழாவில் நிகழ்ந்த விபத்தில் பலி எண்ணிக்கை 4ஆக அதிகரித்துள்ளது. நெமிலி காவல்துறையினர் விபத்து குறித்து விசாரணை நடத்தி வருகின்றனர்.

இச்செய்தியைப் பகிரவும்