மு.க.ஸ்டாலின்: பல புதிய ஒப்பந்தங்கள் கையெழுத்தாகும்

சிங்கப்பூர், ஜப்பானுக்கு பயணத்தை தொடங்கிய முதல்வர்; வழியனுப்பிய அமைச்சர்கள்

சென்னை: சிங்­கப்­பூர், ஜப்­பான் நாடு­க­ளைச் சேர்ந்த முத­லீட்­டா­ளர்­கள் அடுத்த ஆண்டு தமி­ழகத்­தில் நடை­பெற உள்ள அனைத்­து­லக முத­லீட்­டா­ளர்­கள் மாநாட்­டில் பங்­கேற்க அழைப்பு விடுப்­ப­தற்­காக தாம் அந்­நா­டு­க­ளுக்­குச் சுற்­றுப்பய­ணம் மேற்­கொள்­வ­தாக தமி­ழக முதல்­வர் மு.க.ஸ்டா­லின் தெரி­வித்­துள்­ளார்.

நேற்று சென்­னை­யில் இருந்து­ அ­ரசுமுறைப் பய­ண­மாக சிங்­கப்­பூர் புறப்­பட்ட அவரை அமைச்­சர்­களும் அதி­கா­ரி­களும் வழி­யனுப்பி வைத்­தார்.

முன்­ன­தாக செய்­தி­யா­ளர்­க­ளி­டம் பேசிய அவர், ஒன்­பது நாள் பய­ண­மாக சிங்­கப்­பூர், ஜப்­பான் உள்­ளிட்ட நாடு­க­ளுக்கு தாம் செல்ல இருப்­ப­தா­க­வும் அங்கு சந்­திக்­கும் தொழி­ல­தி­பர்­களை தமி­ழகத்­தில் முத­லீடு செய்ய வரு­மாறு அழைப்பு விடுக்க உள்­ள­தா­க­வும் குறிப்­பிட்­டார்.

தமது இந்­தப் பய­ணத்­தின்­போது பல்­வேறு புதிய தொழில் ஒப்­பந்­தங்­கள் கையெ­ழுத்­தாக உள்­ள­தாக முதல்­வர் மு.க.ஸ்டாலின் தெரி­வித்­தார்.

"கடந்த முறை துபாய் பயணத்­தின்­போது கிடைக்­கப்­பெற்ற ரூ.6,100 கோடி மதிப்­புள்ள முதலீடு­கள் மூலம் 15,000 வேலை வாய்ப்­பு­கள் உரு­வாகி உள்­ளன.

"திமுக ஆட்­சிப் பொறுப்­பேற்ற இரண்டு ஆண்­டு­களில் மட்­டும் தமி­ழ­கத்­துக்­கான ரூ.2.95 லட்­சம் கோடி மதிப்­புள்ள புதிய முத­லீ­டு­கள் உறு­தி­செய்­யப்­பட்­டுள்­ளன," என்­றார் முதல்­வர் ஸ்டா­லின்.

முன்­ன­தாக தமி­ழக அரசு வெளி­யிட்ட செய்­திக்­கு­றிப்பு ஒன்­றில், ஜப்­பா­னிய முத­லீட்­டா­ளர்­கள் தமி­ழ­கத்தை பெரி­தும் விரும்­பு­வதா­கக் குறிப்­பிட்­டி­ருந்­தது.