விநாயகரின் கழுத்தில் இருந்த 10,000 ரூபாய் பண மாலை திருட்டு; ஆறு பேர் கைது

சென்னை: ​விநாயகர் சிலைக்கு அணி​வித்த 10,000 ரூபாய் பண மாலையை திருடிச் சென்​ற​தாக நான்கு சிறுவர்கள் உட்பட ஆறு பேரைக் காவல்துறை கைது செய்துள்ளது.

சென்னை தண்​டை​யார்​பேட்டை நேதாஜி நகர் 3வது தெரு​வைச் சேர்ந்​த விக்​னேஷ்வரன், 33, என்பவர் ஆண்​டு​தோறும் விநாயகர் சதுர்த்​தியை முன்​னிட்​டு, விநாயகர் சிலையை வைத்து வழி​பாடு நடத்தி வரு​கிறார்.

அதன்​படி, கடந்த 13ஆம் தேதி விநாயகர் சிலையை வைத்து வழி​பாடு நடத்​தி​னார். இரு நாள்கள் கழித்து, கடந்த செவ்வாய்க்கிழமை அந்தச் சிலைக்கு 100 ரூபாய் நோட்டுகளால் தயார்செய்யப்பட்ட 10,000 ரூபாய் பணமாலையை அணிவித்தார்.

பின்​னர் இரவு வரை விநாயகர் சிலை அரு​கில் இருந்த விக்​னேஷ்வரன், அதன்​பிறகு வீட்டுக்குச் சென்​றார்.

மறு​நாள் அதி​காலை​யில் விநாயகர் சிலையைப் பார்த்​த​போது, சிலைக்கு அணி​வித்​திருந்த ரூ.10 ஆயிரம் பண மாலை காணா​மல் போனதைக் கண்டு அவர் அதிர்ச்சி அடைந்​தார்.

அச்சம்பவம் பற்றி ஆர்​கே நகர் காவல்நிலை​யத்​தில் அவர் புகார் அளித்​தார். காவல்துறையினர் அப்​பகு​தி​யில் பொருத்​தப்​பட்​டிருந்த சிசிடிவி கேமரா பதிவு​களை ஆய்வு செய்​தனர்.

அதில் கிடைத்த தகவல்களின்படி, திருட்​டில் ஈடு​பட்​ட​தாகக் கூறப்​படும் 20 மற்றும் 19 வயதுடைய இரு இளையர்களைக் காவல்துறையினர் கைதுசெய்தனர். பின்னர் 16 மற்றும் 17 வயதுடைய நான்கு சிறுவர்களும் பிடிபட்டனர்.

திருடிய 10,000 ரூபாயில் செலவழித்தது போக 5,100 ரூபாயை அவர்கள் வைத்திருந்தனர். அதனைக் காவல்துறைப் பறிமுதல் செய்து விசாரணை நடத்தி வருகிறது.