சக மாணவரைக் கொன்றதாக ஒப்புதல்; குற்றச்சாட்டு குறைப்பு

ரிவர் வேலி உயர்­நி­லைப்­பள்­ளி­யில் சக மாண­வ­ரைக் கொன்­ற­தா­கக் குற்­றச்­சாட்டை எதிர்­நோக்­கும் இளை­ஞர் தமது குற்­றத்தை ஒப்புக்­கொள்­ள­வி­ருக்­கி­றார்.

வரும் ஆகஸ்ட் மாதம் அவர் உயர்­ நீ­தி­மன்­றத்­தில் குற்­றத்தை ஒப்­புக்­கொள்­வார் என்று எதிர்­பார்க்­கப்­ப­டு­வ­தாக அர­சாங்க வழக்­க­றி­ஞர் ஷான் டே நேற்று நீதி­மன்­றத்­தில் தெரி­வித்­தார்.

2021ஆம் ஆண்டு ஜூலை மாதம் 19ஆம் தேதி­யன்று கோடரி ஒன்­றைப் பயன்­ப­டுத்தி பள்­ளி­யில் உள்ள கழி­வ­றை­யில் 13 வயது சக மாண­வரை அந்த இளை­ஞர் வெட்­டிக் கொன்­றார்.

அந்த மாண­வ­ரின் கழுத்தை அவர் தொடர்ச்­சி­யா­கப் பல­முறை கோடரி­யால் வெட்­டி­னார். அந்த மாண­வ­ருக்கு மர­ணம் விளை­விக்­கும் எண்­ணத்­து­டன் அவர் அவ்­வாறு செய்­த­தாக முத­லில் நம்­பப்­பட்­டது. அந்­தச் சம்­ப­வத்­துக்கு முன்பு இரு­வ­ரும் முன்­பின் அறி­மு­கம் இல்­லா­த­வர்­கள் என்று விசா­ர­ணை­யில் தெரி­ய­வந்­தது.

சக மாண­வரை அந்த இளை­ஞன் வெட்­டிக் கொன்ற பிறகு மன­ந­லக் கழ­கத்­தில் அவ­ருக்கு மன­ந­லப் பரி­சோ­தனை நடத்­தப்­பட்­டது. சம்­ப­வம் நிகழ்ந்­த­தி­லி­ருந்து அந்த இளை­ஞன் தடுப்­புக் காவ­லில் வைக்­கப்­பட்­டுள்­ளார். தனித்தேர்வராக அவர் 'ஓ' நிலைத் தேர்வை எழு­தி­னார்.

சக மாண­வ­ரைக் கொன்­ற­போது அந்த இளை­ஞ­னுக்கு 16 வயது. இப்­போது அவ­ருக்கு 18 வயது. குற்­றம் சாட்­டப்­பட்ட இளை­ஞன் சம்­ப­வத்­துக்கு முன்பு 2019ஆம் ஆண்­டில் தமது உயிரை மாய்த்­துக்­கொள்ள முயன்­ற­தாக இதற்கு முன்பு நடந்த வழக்கு விசா­ர­ணை­யில் தெரி­விக்­கப்­பட்­டி­ருந்­தது. சம்­ப­வம் நிகழ்ந்­த­போது அவர் மன­அ­ழுத்­தத்­தால் பாதிக்­கப்­பட்­டி­ருந்­தார் என்று தெரி­விக்­கப்­பட்­டது. முத­லில் அவர் மீது கொலைக் குற்­றச்­சாட்டு சுமத்­தப்­பட்­டது. ஆனால் அவர்மீது சுமத்­தப்­பட்ட குற்­றச்­சாட்டு குறைக்­கப்­பட்­டுள்­ளது. எவ்­வித நோக்­க­மும் இல்­லா­மல் மர­ணம் விளை­வித்­த­தாக அவர் மீது குற்­றம் சாட்­டப்­பட்­டுள்­ளது.