இந்தோனீசியாவில் தொடரும் காட்டுத்தீயை மூட்டியதாக 139 நபர்கள் கைது

பெக்கன்பாரு: இந்தோனீசியாவில் கட்டுக்கடங்காமல் கொழுந்துவிட்டு எரியும் காட்டுத் தீயை அணைக்க அந்நாடு போராடி வரும் நிலையில் அங்குள்ள அதிகாரிகள் 100க்கும் மேற்பட்ட நபர்களைக் கைது செய்துள்ளனர்.

அந்த நபர்கள்மீது நாட்டின் பல பகுதிகளில் தீயை மூட்டியதாகக் குற்றங்கள் சுமத்தப்பட்டுள்ளன. ஆயினும் தீ மூண்டதற்கு உண்மையில் காரணமானவர்களைக் கைது நடவடிக்கைகள் மீண்டும் அவ்வாறு தீ மூட்டுவதில் இருந்து தடுக்குமா என்பது கேள்விக்குறியாக உள்ளது.

ரியாவ் மாநிலத்தில் காவல்துறையினர் 49 சந்தேக நபர்களை அடையாளம் கண்டுள்ளனர். அவர்கள் அப்பகுதியில் இருந்த 3,000 ஹெக்டர் பரப்பளவு காட்டைக் கிட்டத்தட்ட முற்றிலும் தீக்கிரையாக்கியதாகக் குற்றஞ்சாட்டப்பட்டது. தனிப்பட்ட வகையில் 45 வழக்குகளில் அந்த நபர்கள் சம்பந்தப்பட்டிருப்பதாகத் தெரிவிக்கப்பட்டது.

“தீ எப்படி தொடங்கியது என்பதுமுதல் அவற்றுக்குக் காரணமானவர்கள் வரை ஒவ்வொரு காட்டுத் தீச்சம்பவமும் ஆழமாக விசாரிக்கப்படும். குற்றம் புரிந்ததற்கான போதிய சாட்சியங்களும் சான்றுகளும் இருந்தால் அதிகாரிகள் அவர்கள்மீது சட்ட நடவடிக்கைகளை மேற்கொள்வர்,” என்று ரியாவ் மாநிலக் காவல்துறையின் குற்றவியல் பிரிவுத் தலைவர் அடி குன்கொரோ ரிட்வான் திங்கட்கிழமை (செப்டம்பர் 7) தெரிவித்தார்.

அதோடு ரியாவ் மாநிலம் முழுவதும் காட்டுத் தீயைக் கட்டுப்படுத்துல், அணைத்தல், தடுத்தல் ஆகிய செயல்பாடுகளோடு சட்ட நடவடிக்கைகளும் ஒருசேர எடுக்கப்பட்டுவருவதாக அவர் குறிப்பிட்டார்.

செம்பனை உற்பத்தி

ரியாவ் மாநிலம் இந்தோனீசியாவின் செம்பனை எண்ணெய் உற்பத்தி செய்யப்படும் முக்கிய வட்டாரம் ஆகும். அங்கு மட்டும் தற்போது 10 இடங்களில் காட்டுத்தீ எரிந்துவருகிறது. அவற்றில் சில பகுதிகளில் கடந்த 10 நாள்களாகத் தீ தொடர்ந்து எரிகிறது.

இந்தோனீசியாவின் மேற்கில் உள்ள ரியாவ் தீவுக்கூட்டங்களில் இவ்வாண்டுத் தொடக்கம் முதல் 19,000 ஹெக்டர் அளவிலான காட்டுப் பகுதிகள் தீக்கிரையாகிவிட்டன என்று அதிகாரிகள் கூறினர்.

புகைமூட்டம்

இதற்கிடையே புதன்கிழமை (செப்டம்பர் 9) இரவு நிலவரப்படி இந்தோனீசியா முழுவதும் 395 இடங்களில் தீ பெருமளவில் பரவிவருவதாக அடையாளம் காணப்பட்டுள்ளது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

அன்பில் மகேஸ் விசாரணை வழக்கு ஒத்திவைப்பு

30 Oct 2026 - 8:07 PM

இஸ்ரேல் தேர்தலில் யாருக்கும் பெரும்பான்மை கிடைக்காமல் இழுபறி

30 Oct 2026 - 5:24 PM

‘மஞ்சணத்தி’ முதற்கட்ட படப்பிடிப்பு நிறைவு

30 Oct 2026 - 2:25 PM

ஈஸ்ட் கோஸ்ட் விபத்தில் ஓட்டுநர் மின்சிகரெட் புகைத்ததாக சந்தேகம்

29 Oct 2026 - 3:56 PM

கலிமந்தான் மாநிலத்தில் காற்றின் தரம் மிகவும் ஆபத்தான நிலையை எட்டியுள்ளதாக மலேசியாவின் சரவாக் மாநிலத் தலைநகரான கூச்சிங்கில் உள்ள இந்தோனீசியத் துணைத் தூதரக அதிகாரி டாக்டர் அப்துல்லா சுல்கிப்ஃலி தெரிவித்தார்.

புகைமூட்டம் வட்டார நாடுகளைக் கடுமையாகப் பாதித்துவரும் காரணத்தால், அதற்கு உதவும் நோக்கத்துடன், ஜப்பான் அதன் ‘ஜெஎஸ் குனிசாக்கி’ என்ற ராணுவப் போக்குவரத்துக் கப்பலை போர்னியோ தீபகற்பத்துக்கு அருகில் வியாழக்கிழமை (செப்டம்பர் 10) நங்கூரமிட்டுள்ளது.

அக்கப்பலின் 300 உறுப்பினர்கள் புகைமூட்டத்துக்கு எதிராக இந்தோனீசியாவுடன் இணைந்து பணியாற்றவுள்ளனர். அக்கப்பலுடன் மூன்று சிஹெச்-47 ரக ஹெலிகாப்டர்களும் தரையிறக்கப்பட்டுள்ளன.

போர்னியோவின் கலிமந்தான் பகுதியில் இயங்கவுள்ள அக்குழு, ஜப்பானிய சுயத் தற்காப்பு படையின் (ஜெஎஸ்டிஎஃப்) ஒரு பிரிவாகும். ஜப்பானை விட்டு வெளியேறி முதன்முறையாக அக்குழு தீயணைப்புப் பணியில் வேறொரு நாட்டில் பங்கெடுக்க வந்துள்ளது.