மலேசியா: மது அருந்திய 15 பேர் பலி; 33 பேர் மருத்துவமனையில்

மலேசியாவின் சிலாங்கூரில் சில வகை மதுபானங்களை அருந்திய ஆடவர்களில் 15 பேர் உயிர் இழந்துள்ளனர்; மேலும் 33 பேர் மருத் துவமனையில் அனுமதிக்கப்­பட்டுள்ளனர். அவர்கள் அருந்திய மதுபானங்­களில் நஞ்சு கலக்கப்பட்டிருக் கலாம் எனச் சந்தேகிப்பதாக மலேசிய போலிசார் தெரிவித்தனர். மாண்டவர்களில் மலேசியர்­களும் வெளிநாட்டவர்களும் அடங்­குவர். 'மண்டலே விஸ்கி', 'கிங்ஃபிஷர் பீர்', 'கிராண்ட் ராயல் விஸ்கி' ஆகிய மதுபானங்களை அருந்தியதாகப் பாதிக்கப்பட்டவர்­கள் கூறினர் என்று 'தி ஸ்டார்' செய்தி தெரிவிக்கிறது. சிலாங்கூரின் கிள்ளான் பள்­ ளத்தாக்குப் பகுதியில் உள்ள பல்வேறு மதுக்­கடைகளில் அந்த மதுபானங்களை அவர்கள் வாங்கி யதாகக் கூறப்படு­கிறது. பாதிக்கப்பட்டவர்கள் வாந்தி மயக்கம் ஏற்பட்டதாகவும் அவர்கள் சுங்கை புலோ, கோம்பாக், காஜாங், கிள்ளான், ஷா அலாம் ஆகிய பகுதிகளில் உள்ள மருத்துவமனை­களில் சிகிச்சை பெற்று வருவ­ தாகவும் சிலாங்கூர் போலிஸ் தலைவர் மஸ்லான் மன்சூர் தெரி­ வித்தார். "முழுமையான உடற்கூறு ஆய்வு அறிக்கைக்காக நாங்கள் காத்திருக்கிறோம். இந்த உயிரி­ழப்புச் சம்பவங்கள் 'திடீர் மரணங்­ கள்' என வகைப்படுத்தப்பட்டு உள்ளன," என்றார் திரு மஸ்லான்.