மலேசியப் பொதுத் தேர்தலை முன்கூட்டியே நடத்த அன்வார் ஆலோசனை

கோலாலம்பூர்: மலேசியப் பொதுத் தேர்தலை முன்கூட்டியே நடத்துவது குறித்து ஆலோசிக்கப்படும் என்று அந்நாட்டுப் பிரதமர் அன்வார் இப்ராகிம் தெரிவித்துள்ளார்.

பொருளியல் மீட்சி, மக்கள் நலனை மேம்படுத்துவது, ஊழலை எதிர்ப்பது, அதிகாரம் தவறாகப் பயன்படுத்தப்படுவதைத் தவிர்ப்பது ஆகியவற்றுக்கான முயற்சிகளுக்கு அரசாங்கம் முன்னுரிமை அளித்துவருவதாக அவர் கூறினார்.

மேலும், மத்திய அரசாங்கம் நிலையாக இருப்பதாகவும் தொடர்ந்து ஆட்சி நடத்தி, நாட்டைச் சீரான முறையில் கவனித்துக்கொள்ள அதற்குப் போதுமான நாடாளுமன்ற இடங்கள் இருப்பதாகவும் அவர் குறிப்பிட்டார்.

“புதன்கிழமை (செப்டம்பர் 2) அமைச்சரவையில் நான் கூறியதுபோல நாட்டை ஆள்வதற்கும் ஊழல், அதிகாரம் தவறாகப் பயன்படுத்தப்படுவது ஆகியவற்றை ஒழிக்கவும் எங்களுக்குப் போதுமான நாடாளுமன்ற இடங்கள் இருக்கின்றன,” என்று திரு அன்வார் கூறினார். ஊழலையும் அதிகாரம் தவறாகப் பயன்படுத்தப்படுவதையும் தடுப்பதற்கான முயற்சிகள் குறிப்பிட்ட ஓர் இனத்தைச் சார்ந்தவையோ குறிப்பிட்ட குழுக்களின் நிலையைப் பாதுகாப்பதற்கானவையோ அல்ல என்று அவர் சொன்னார்.

“அவர்கள் மலாய், சீன, இந்திய இனத்தவராக இருந்தாலும் சரி, சபா, சரவாக் மாநிலங்களைச் சேர்ந்தவர்களாக இருந்தாலும் சரி, இது இனம் அல்லது அதிகாரத்தில் இருப்பவர்கள் அல்லது குறிப்பிட்ட குழுக்கள் சார்ந்ததன்று.

மக்களுக்கு வேண்டுகோள்

“நான் அபாயங்களையும் நெருக்குதல்களையும் எதிர்கொள்ளும் வேளையிலும் நாங்கள் தொடர்ந்து நாட்டை ஒழுங்குப்படுத்தும் நடவடிக்கைகளில் ஈடுபடவேண்டும் என்று வேண்டிக்கொள்ளுமாறு மக்களைக் கேட்டுக்கொள்கிறேன்,” என்றும் திரு அன்வார் எடுத்துரைத்தார்.

பாரிசான் நே‌ஷனல்

இதற்கிடையே, முன்பு அளித்த வாக்குறுதிக்கு ஏற்ப ஒன்றிய அரசைத் தொடரவும் நாட்டின் நிலைத்தன்மையைக் கட்டிக்காக்கவும் தாங்கள் கடமைப்பட்டுள்ளதாக பாரிசான் நே‌ஷனலின் தலைமைச் செயலாளர் ஸாம்பிரி அப்துல் காதர் தெரிவித்துள்ளார்.

அம்னோ, பாரிசான் நே‌ஷனல் இரண்டுக்கும் தேர்தலை முன்கூட்டியே நடத்த விருப்பம் இருக்கலாம். அதற்காகத் தாங்கள்தான் வெற்றிபெறுவோம் என்ற மெத்தனப்போக்கு தங்களுக்கு இருப்பதாக அர்த்தமாகாது என்று அவர் சுட்டினார்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

வான்வழியில் உயிர்காக்கும் பொறுப்பு

24 Oct 2026 - 6:13 PM

எல்லையில் சீனா தாக்குதல்: காங்கிரஸ் குற்றச்சாட்டுக்கு ராணுவம் விளக்கம்

24 Oct 2026 - 5:36 PM

விசாரணையின்போது மயங்கி விழுந்தார்: சிங்கப்பூர் தப்ப முயன்ற ஜெம் வீரமணியின் மகள் பிடிபட்டார்

24 Oct 2026 - 5:11 PM

வாகனப் பதிவுக்காக மலேசிய மாதரை மணந்துகொள்ளும் வெளிநாட்டினர்: ஆர்டிடி

24 Oct 2026 - 3:59 PM

மலேசியாவின் 16வது பொதுத் தேர்தலை முன்கூட்டியே நடத்துவதற்கு அம்னோ தலைவர் ஹாகிட் ஹமிடி ஆதரவளிப்பதாக முன்னதாகத் தெரிவிக்கப்பட்டது.

தற்போது ஆட்சியில் இருக்கும் மலேசியாவின் 15வது நாடாளுமன்றத்தின் முழு தவணைக் காலம் அடுத்த ஆண்டு டிசம்பர் மாதம் 18ஆம் தேதி நிறைவடையும் என்று எதிர்பார்க்கப்படுகிறது.