ஆப்கானிஸ்தானில் நிலநடுக்கம்; 800க்கும் மேற்பட்டோர் மரணம்

படம்: ஏஎஃப்பி

01 Sep 2025 - 4:50 pm

2 mins read

காபூல்: ஆப்கானிஸ்தானில் ஏற்பட்ட நிலநடுக்கத்தில் ஏறத்தாழ 800 பேர் மாண்டுவிட்டதாகவும் 2,800க்கும் மேற்பட்டோர் காயமடைந்ததாகவும் அந்நாட்டை ஆட்சி செய்யும் தலிபான் அரசாங்கம் தெரிவித்துள்ளது.

ஆப்கானிஸ்தானிய நேரப்படி திங்கட்கிழமை அதிகாலை (செப்டம்பர் 1) அந்நாட்டின் கிழக்குப் பகுதியில் உள்ள குனார் மாநிலத்தில் ஏற்பட்ட நிலநடுக்கம் ரிக்டர் அளவில் 6ஆகப் பதிவானது.

10 கிலோமீட்டர் ஆழத்தில் நிலநடுக்கம் ஏற்பட்டதாகத் தெரிவிக்கப்பட்டது.

இத்தகவலை ஆப்கானிஸ்தான் அரசாங்கம் திங்கட்கிழமை (செப்டம்பர் 1) வெளியிட்டது.

இடிபாடுகளுக்குள் சிக்கியிருப்போரைத் தேடும் பணிகள் முடுக்கிவிடப்பட்டுள்ளது.

காயமடைந்தோர் ஹெலிகாப்டர் மூலம் மருத்துவமனைக்குக் கொண்டு செல்லப்பட்டனர்.

ஒரே கிராமத்தில் ஏறத்தாழ 30 பேர் மாண்டுவிட்டதாக ஆப்கானிஸ்தானின் சுகாதார அமைச்சு கூறியது.

மாண்டோர் தொடர்பான துல்லியமான தகவல்கள் சேகரிக்கப்படுவதாக அது தெரிவித்தது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

மேளதாளங்களும் ‘ஓம் சக்தி’ என்ற முழக்கமும் எட்டுத் திக்கும் ஒலிக்க, சக்திக் கரகத்தைச் சுமந்தபடி தலைமைப் பண்டாரம் பூக்குழி இறங்கினார்.

பக்திச் சுடர்விட்ட தீமிதித் திருவிழா

01 Nov 2026 - 7:18 PM

மூத்தோருக்குக் கிடைக்கக்கூடிய சுகாதாரச் சேவைகள் குறித்த விழிப்புணர்வை ஏற்படுத்துவதே தமது பணியில் முக்கிய அம்சம் என்று என்எச்ஜி ஹெல்த்தின் மூத்த தலைமைச் செவிலியர் சியோவ் மே போ (இடது) தெரிவித்தார்.

முதியோர்க்கான மேம்பட்ட சமூக சுகாதார சேவை விரிவாக்கம்

01 Nov 2026 - 8:04 PM

அரசாங்க அதிகாரிகள்போல் ஆள்மாறாட்டம் செய்து மோசடியில் ஈடுபடுவதை முறியடிக்க அரசாங்கம் எடுத்துவரும் முயற்சிகளின் ஒரு பகுதியாக, அதற்கெனத் தனித்துவமான தொலைபேசி எண்ணை அறிமுகப்படுத்தும் முதல் அரசாங்க அமைப்பாகச் சிங்கப்பூர்க் காவல்துறை விளங்குகிறது.

இனி ஒரே எண்ணிலிருந்துதான் காவல்துறை அழைக்கும்

01 Nov 2026 - 12:32 PM

குறிப்பிட்ட காலக்கெடுவுக்குள் மறுவரையறைப் பணிகளை முடித்து பஞ்சாயத்துத் தேர்தலை நடத்தி முடிக்கத் தமிழக அரசுக்குத் தகுந்த உத்தரவுகளைப் பிறப்பிக்க வேண்டும் என மனுதாரர் உயர் நீதிமன்றத்தைக் கேட்டுக்கொண்டுள்ளார்.

ஊராட்சித் தேர்தலை நடத்தக் கோரி சென்னை உயர் நீதிமன்றத்தில் வழக்கு

31 Oct 2026 - 7:41 PM

“மாண்டோர், காயமடைந்தோர் எண்ணிக்கை அதிகமாக உள்ளது. நிலநடுக்கத்தால் பாதிக்கப்பட்டுள்ள இடங்களை மீட்புப் பணியாளர்களால் சென்றடைய முடியவில்லை,” என்று சுகாதார அமைச்சின் செய்தித்தொடர்பாளர் ஷரஃபாட் ஸமான் தெரிவித்தார்.

குனார் மாநிலத்தில் மூன்று கிராமங்கள் நிலைகுலைந்துவிட்டதாகவும் அங்குள்ள பல வீடுகள் தரைமட்டமாகிவிட்டதாகவும் தெரிவிக்கப்பட்டது.

“மீட்புப் பணிகளில் உதவி செய்யவோ அல்லது நிவாரணப் பணிகளுக்குத் தேவையான ஆதரவை வழங்கவோ எந்த ஒரு நாடும் முன்வரவில்லை,” என்று ஆப்கானிஸ்தானின் வெளியுறவு அமைச்சின் செய்தித்தொடர்பாளர் ஏமாற்றம் தெரிவித்தார்.

நிலநடுக்க அபாயம் உள்ள நாடுகளில் ஆப்கானிஸ்தானும் ஒன்று என்பது குறிப்பிடத்தக்கது.

குறிப்பாக, இந்து குஷ் மலைத்தொடர்களை ஒட்டிய பகுதிகளில் இந்திய, யூரேஷியத் தளத்தட்டுகள் மோதிக்கொள்ளும் இடத்தில் நிலநடுக்கம் ஏற்படுவது வழக்கம்.

கடந்த ஆண்டு ஆப்கானிஸ்தானில் நிலநடுக்கங்கள் ஏற்பட்டன. அவற்றின் காரணமாக 1,000க்கும் மேற்பட்டோர் மாண்டனர்.

இச்செய்தியைப் பகிரவும்

குறிப்புச் சொற்கள்

ஆப்கானிஸ்தான்நிலநடுக்கம்மரணம்