ஜாலான் புனுஸ் சம்பவம் புதைகுழியல்ல: கோலாலம்பூர் மேயர்

கோலாலம்பூர்: மலேசியத் தலைநகர் கோலாலம்பூரில் உள்ள மஸ்ஜித் இந்தியா வட்டாரத்தில் இன்னொரு புதைகுழி உருவாகும் என்ற அச்சம் நிலவியதை அடுத்து, அத்தகைய அச்சம் தேவையற்றது என்று கோலாலம்பூர் மேயர் மைமுனா முகம்மது ஷரிஃப் தெரிவித்துள்ளார்.

திங்கட்கிழமை (நவம்பர் 10) ஜாலான் புனுஸ் வட்டாரத்தில் புதைகுழி ஏற்படவில்லை என்றார் அவர்.

மாறாக, மண் இறுக்கம் ஏற்பட்டதாக திருவாட்டி மைமுனா கூறினார்.

நிலத்துக்கு அடியில் உள்ள குழாய்கள் வெடிக்கவில்லை என்றும் தண்ணீர்க் கசிவு ஏற்படவில்லை என்றும் ஆரம்பக்கட்ட விசாரணையில் தெரியவந்துள்ளதாக அவர் தெரிவித்தார்.

நிலைமை சீராக இருப்பதாகவும் பதற்றம் அடையத் தேவையில்லை என்றும் அவர் வலியுறுத்தியதாக த ஸ்டார் நாளிதழ் தெரிவித்தது.

மழை பெய்த பிறகும் சோதனைக் குழு அவ்விடத்துக்குச் சென்று ஆய்வு நடத்தியதாக அவர் கூறினார்.

மண் தளர்வு ஏற்படவில்லை என்று திருவாட்டி மைமுனா உறுதி அளித்தார்.

மண் இறுக்கத்துக்கான காரணத்தைக் கண்டறிய புவியியல் தொழில்நுட்ப ஆலோசகரை நியமித்துள்ளதாக அவர் தெரிவித்தார்.

தொடர்புடைய செய்திகள்

மஸ்ஜித் இந்தியா பகுதியில் மீண்டும் தோன்றிய புதைகுழி

2024ஆம் ஆண்டில் கோலாலம்பூரில் திடீரென்று ஏற்பட்ட புதைகுழி காரணமாக இந்தியாவைச் சேர்ந்த சுற்றுப்பயணி ஜி. விஜயலட்சுமி உயிரிழந்தார்.