ஜப்பான் ஆளுங்கட்சி: கட்சிக் கூட்டங்களில் பெண்களுக்குக் கட்டுப்பாடு

தோக்­கியோ: அலு­வ­ல­கக் கூட்­டங்­களில் பெண்­கள் அள­வுக்கு அதி­க­மாக பேசு­கின்­ற­னர் என்று கூறி பெரிய சர்ச்­சையை ஏற்­ப­டுத்­தி­னார் தோக்­கியோ ஒலிம்­பிக் விளை­யாட்டு ஏற்­பாட்­டுக் குழு­வின் தலை­வர்.

இப்­போது மேலும் ஒரு சர்ச்­சை­யைக் கிளப்­பி­யுள்­ளது ஜப்­பா­னின் ஆளுங்­கட்சி.

கட்­சிக் கூட்­டங்­களில் பெண்­கள் கலந்­து­கொள்­ள­லாம். ஆனால் அவர்­கள் வாய்­தி­றக்­கக் கூடாது என்று கட்­டுப்­பாடு விதிக்க அக்­கட்சி உறுப்­பி­னர்­கள் தலை­மைக்­குப் பரிந்­து­ரைத்­துள்­ள­னர்.

ஜப்­பா­னின் ஆளுங்­கட்­சி­யான முற்­போக்கு ஜன­நா­ய­கக் கட்­சி­யினர், முக்­கிய கூட்­டங்­களில் பெண்­க­ளின் பங்கு குறித்த புதிய திட்­டம் ஒன்­றை கட்­சித் தலை­மைக்கு பரிந்துரைத்துள்ளனர். அதா­வது, பெண் சட்­ட­மன்ற உறுப்­பி­னர்­கள் ஐந்­து­ பேர் கட்­சி­யின் முக்­கிய கூட்­டங்­களில் பங்­கேற்­க­லாம், ஆனால், அவர்­கள் அக்­கூட்­டங்­களில் வாயைத் திறக்­கவே கூடாது என்­பதே அந்­தப் புதிய திட்­டம்.

இது­கு­றித்­துக் கருத்­துத்­ தெரி­வித்த அக்­கட்­சி­யின் தலை­மைச் செய­லா­ளர் 82 வயது டோ‌ஷி­ஹிரோ நிக்கை, "கட்­சி­யின் நிர்­வாக சபை­யில் ஆண்­க­ள் ஆதிக்­கம் செலுத்­து­வ­தாக பர­வ­லா­கக் கூறப்­ப­டு­கிறது. அவர்­கள் அனை­வ­ரும் மக்­க­ளால் தேர்ந்­தெ­டுக்­கப்­பட்­ட­வர்­கள்.

"இருப்­பி­னும் கட்­சிக் கூட்­டங்­களில் முக்­கி­ய­மான முடி­வு­கள் எடுக்­கப்­படும் முறையை பெண்­கள் கவ­னிக்க வேண்­டும். அங்கு எந்த மாதி­ரி­யான விவா­தங்­கள் இடம்­பெ­று­கின்­றன என்­பதை அவர்­கள் முழு­மை­யா­கப் புரிந்­து­கொள்­வது மிக­ முக்­கி­யம்.

"'கவ­னிக்க வேண்­டும்' என்­பது கூட்­டத்­தில் நடக்­கும் விவா­தம் எதைப்­பற்­றி­யது என்­ப­தைத்­தான்," என்று செய்­தி­யா­ளர் கூட்­டத்­தில் பேசிய திரு டோஷி­ஹிரோ தெரி­வித்­தார்.