வேலை வேண்டாம் என காட்டிற்குள் சென்றவர்; 6 நாட்களுக்குப் பின் உதவி கேட்டு அழைப்பு

மலேசியாவில் வேலை பளு அதிகமாக இருந்ததால் மன அழுத்தத்திற்குள்ளான 41 வயது ஆடவர் காட்டிற்குள் சென்று வாழமுடிவெடுத்தார்.

காட்டிற்குள் தொலைந்து போன அவர் 6 நாள்களுக்குப் பிறகு உதவிகேட்டு அதிகாரிகளை அழைத்துள்ளார். அதன் பிறகு மலேசிய தீயணைப்புப்படை வீரர்கள் அவரை மீட்டனர்.

ஆடவரின் பெயரை மலேசிய அதிகாரிகள் வெளியிடவில்லை.

ஜூன் 9ஆம் தேதி இரவு 11:44 மணிக்கு ஆடவர் உதவி கேட்டு அதிகாரிகளை அழைத்துள்ளார். அவரை மூன்று மணி நேரத்திற்குள் அதிகாரிகள் கண்டுபிடித்துள்ளனர்.

ஆடவர் ஜூன் 3ஆம் தேதி கோலாலம்பூரில் இருந்து பேருந்து மூலம் அமஞ்சாயா முனையத்திற்கு சென்றுள்ளார்.

அதன் பின்னர் அவர் காட்டிற்குள் சென்றுள்ளார்.

ஆறு நாள்கள் காட்டிற்குள் இருந்த அவர், பசி தாங்க முடியாமலும் தொலைந்துபோனதாலும் தமது கைப்பேசியில் இருந்து உதவிகேட்டு அதிகாரிகளை தொடர்பு கொண்டுள்ளார்.

அதன் பிறகு தீயணைப்புப்படை அதிகாரிகள் காட்டிற்குள் நுழைந்து அவரை மீட்டு காவல்துறையிடம் ஒப்படைத்தனர்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

செயற்கை நுண்ணறிவுத் துறை வீழ்ச்சி 32% நிறுவனங்களைப் பாதிக்கும் என கணிப்பு

22 Sep 2026 - 8:07 PM

கடும் தண்டனைக்கு ஆளான பிள்ளையைப் பாதுகாக்க உதவிய ‘சேஃபர்’ பிரிவு

22 Sep 2026 - 8:34 PM

மக்கள்மீதான தாக்கத்தின் அடிப்படையில் ‘ஏஐ’ புத்தாக்கம் மதிப்பிடப்பட வேண்டும்: டியோ

22 Sep 2026 - 6:38 PM

வியட்னாம் கப்பலிலிருந்து 25 சிப்பந்திகள் மீட்பு: எம்பிஏ

22 Sep 2026 - 6:39 PM

ஆடவர் ஓராண்டுக்கு முன்னர் மனநோயால் பாதிக்கப்பட்டிருந்ததாகவும், அவர் கடந்த சில மாதங்களாக மாத்திரைகள் எடுக்காமல் இருந்ததாகவும் அதிகாரிகள் கூறினர்.

ஆடவரின் உடல்நலம் தற்போது சீராக இருப்பதாகவும், அவர் ஆறு நாள்கள் உண்ணாமல் இருந்ததால் அவரின் ரத்த அழுத்தம் குறைவாக இருப்பதாகவும் அதிகாரிகள் தெரிவித்தனர்.