மாணவர் முரசு
இ-பேப்பர்
கேன், ஃபிரான்ஸ்: உலக புகழ்பெற்ற வருடாந்திர திரைப்பட விழாவான கேன்ஸ் விழாவை ஏற்று நடத்தும் தென் ஃபிரான்சின் அல்ப்ஸ் மெரிடைம்ஸ் வட்டாரத்தில் வேண்டுமென்றே யாரோ தீ வைத்ததால் மின்சார விநியோகம் துண்டிக்கப்பட்டிருக்கலாம் என்று நம்பப்படுகிறது.
பிரெஞ்சு காவல்துறை அதிகாரிகள் அதுகுறித்து விசாரணை நடத்துகின்றனர்.
“வேண்டுமென்றே தீ மூட்டப்பட்டது குறித்து விசாரிக்கிறோம்,” என்று பிரெஞ்சு தேசிய தீயணைப்புப் பேச்சாளர் கூறினார். தற்போதைய நிலவரப்படி யாரும் கைதாகவில்லை என்றார் அவர்.
கேன் உள்ளிட்ட அல்ப்ஸ் மெரிடைம்ஸ் பகுதியின் மேற்கு வட்டாரத்தில் பெரியளவில் மின்சாரத் துண்டிப்பு ஏற்பட்டதாகவும் அதிகாரிகள் அதைச் சரிப்படுத்தும் பணியில் ஈடுபட்டிருந்ததாகவும் உள்ளூர் அதிகாரிகள் தெரிவித்தனர்.
இருப்பினும் கேன் திரைப்பட விழாவின் முடிவு நிகழ்ச்சி திட்டப்படி சனிக்கிழமை மாலை நடைபெறும் என்று ஏற்பாட்டாளர்கள் தெரிவித்தனர்.
