ஊழல் வழக்கில் ராஜபக்சே மகன் கைது

கொழும்பு: இலங்கை முன்னாள் அதிபர் மகிந்த ராஜபக்சேவின் மகன் நாமல் ராஜபக்சே ஊழல் வழக்கில் வெள்ளிக்கிழமை (செப்டம்பர் 4) கைதுசெய்யப்பட்டார்.

அதனைத் தொடர்ந்து, அன்று மாலை நீதிமன்றத்தில் முன்னிலைப்படுத்தப்பட்ட நாமலை செப்டம்பர் 18ஆம் தேதிவரை காவலில் வைக்கும்படி கொழும்புத் தலைமை நீதிபதி உத்தரவிட்டார். அதனையடுத்து, அவர் கொழும்பு சிறைச்சாலையில் அடைக்கப்பட்டார்.

இலங்கை தேசிய விமான நிறுவனமான ஸ்ரீலங்கன் ஏர்லைன்ஸ் நிறுவனத்திற்கு ஏர்பஸ் விமானங்கள் வாங்கியதில் ஊழல் நடந்ததாக வழக்குப் பதிவாகியுள்ளது.

அதன் தொடர்பில், எதிர்க்கட்சியான இலங்கை பொதுஜன பெரமுனவின் நாடாளுமன்ற உறுப்பினர் நாமல் ராஜபக்சேவிடம் இலங்கை ஊழல் தடுப்பு அமைப்பு ஐந்து மணி நேரத்திற்கும் மேலாக விசாரணை நடத்தியது. அதனைத் தொடர்ந்து, அவர் கைதுசெய்யப்பட்டார்.

கடந்த 2013ஆம் ஆண்டு ஐரோப்பிய விமானத் தயாரிப்பு நிறுவனமான ஏர்பஸ்ஸிடம் இருந்து விமானங்கள் வாங்கியது தொடர்பாக விசாரணை நடைபெற்று வருகிறது. விமானங்களை வாங்க 100 மில்லியன் இலங்கை ரூபாய் (S$386,300) லஞ்சமாகக் கைமாறியதாகச் சொல்லப்படுகிறது.

அது தொடர்பான விசாரணைக்கு உதவ ஏர்பஸ் குழு ஒன்று ஆகஸ்ட் மாதம் கொழும்பு சென்றிருந்தது.

வழக்கறிஞரான நாமல் தன் மீதான குற்றச்சாட்டுகளைத் தொடர்ந்து மறுத்து வருகிறார்.

சிங்கப்பூர் உள்ளிட்ட நாடுகள் விசாரணைக்கு உதவி

நீதிமன்றத்தில் அரசுத் தரப்பு வாதங்களை முன்வைத்த அரசாங்கத் துணைத் தலைமை வழக்கறிஞர் ஜனக பண்டாரா, குற்றப் புலனாய்வுத் துறையும் லஞ்ச, ஊழல் குற்றச்சாட்டுப் புலனாய்வு ஆணையமும் இணைந்து மேற்கொண்ட விசாரணையின் அடிப்படையில் சந்தேகப் பேர்வழி கைதுசெய்யப்பட்டதாகக் கூறினார்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

$3 பில்லியன் பணமோசடி வழக்கில் குற்றவாளியின் மூத்த சகோதரருக்குச் சிறை

20 Oct 2026 - 10:16 PM

சுபாங்-சிலேத்தார் விமானச் சேவைகளை மீண்டும் தொடங்க ஃபயர்ஃபிளை திட்டம்

20 Oct 2026 - 6:15 PM

5,000 கிராமப்புறத் தாய்மார்களுக்கு இலவசப் பட்டுப்புடவை: ராகவா லாரன்ஸ்

19 Oct 2026 - 9:24 PM

மேகதாது அணைத் திட்டம்: 16,745 கோடி ரூபாய் நிதி ஒதுக்க கர்நாடக அரசு முடிவு

18 Oct 2026 - 8:57 PM

சிங்கப்பூர், ஆஸ்திரேலியா, பிரான்ஸ், அமெரிக்கா ஆகிய நாடுகளும் உதவியதன்மூலம் விசாரணை இறுதிக்கட்டத்தை எட்டியதாக அவர் சொன்னார்.

ஏர்பஸ் உடனான விமானக் கொள்முதலில், ஒவ்வொரு விமானத்திற்கும் ஒரு மில்லியன் அமெரிக்க டாலர் லஞ்சம் எனப் பேசப்பட்டது என்று அவர் சொன்னதாகவும் ‘டெய்லி மிரர்’ செய்தி வெளியிட்டுள்ளது.