மாணவர் முரசு
இ-பேப்பர்
வாஷிங்டன்: அமெரிக்காவில் சென்ற ஆண்டு நவம்பர் 8ஆம் தேதி நடந்த தேர்தலில் டோனல்ட் டிரம்ப் வெற்றி பெற்றதும் அந்த வெற்றியை ரஷ்ய மூத்த அதிகாரிகள் கொண்டாடி மகிழ்ந்ததை அமெரிக்க உளவுத் துறை தகவல் காட்டுவதாக வாஷிங்டன் போஸ்ட் செய்தி வெளியிட்டுள்ளது. அமெரிக்கத் தேர்தல் முடிவை ரஷ்ய அதிகாரிகள் உற்சாகத்துடன் கொண்டாடியதை இடைமறித்து திரட்டப்பட்ட தகவல்கள் காட்டுவதாக அமெரிக்க அதிகாரிகள் தெரிவித்திருப்பதாக வாஷிங்டன் போஸ்ட் வெளியிட்ட செய்தி அறிக்கை கூறுகிறது.
தேர்தலில் திரு டிரம்ப் வெற்றி பெற்றது குறித்து ரஷ்யர்கள் மகிழ்ச்சி அடைந்ததாக அமெரிக்க மூத்த அதிகாரி ஒருவர் வாஷிங்டன் போஸ்ட் நாளேட்டிடம் கூறினார். அமெரிக்கத் தேர்தல் பிரசாரத்தில் ரஷ்யாவின் கணினி ஊடுருவல் பற்றி முன்கூட்டியே ரஷ்ய அதிகாரிகள் சிலருக்கு தெரிந்திருக்கும் என்று அமெரிக்க உளவுத் துறை அதிகாரிகள் நம்புகின்றனர்.
