லண்டன்: ஆற்றில் ஒரு கால், சேற்றில் ஒரு கால் என்பதுபோல ஐரோப்பிய ஒன்றியத்தில் பாதி உள்ளேயும் பாதி வெளியேயும் இருக்க விருப்பமில்லை என்று பிரிட்டிஷ் பிரதமர் தெரசா மே பேசுவார் என்று எதிர்பார்க்கப் படுகிறது. ஐரோப்பிய ஒன்றியத்திலிருந்து பிரிட்டன் வெளியேறுவது குறித்து அவர் முக்கிய உரையாற்றவிருக் கிறார். அப்போது பிரிட்டனின் நிலையை அவர் தெளிவுபடுத்தக் கூடும். அவரது உரையை ஐரோப்பிய ஒன்றியத்தில் இடம்பெற்றுள்ள நாடுகளும் ஆவலுடன் எதிர் பார்த்துள்ளன.
"தங்கு தடையின்றி வர்த்தகம் செய்யவே பிரிட்டன் விரும்புகிறது. ஆனால் அதே சமயத்தில் ஒன்றியத்தில் பாதி உள்ளேயும் பாதி வெளியேயும் கால் பதிக்க பிரிட்டன் விரும்பவில்லை," என்று ஐரோப்பிய நாடுகளுக்கு அவர் தமது உரையில் விளக்கமளிப்பார். மேலும் ஐரோப்பிய ஒன்றியத்தின் ஒரே சந்தையிலிருந்து பிரிட் டன் விலகுவதற்கான அறிகுறிகளை பிரதமர் தெரசா மே வெளிப்படுத்துவார் என்று எதிர்பார்க்கப்படுகிறது. இதற்காக பிரதமர் அலுவல கமான டவுனிங் ஸ்திரீட் 12 அம்ச பட்டியலைத் தயாரித்துள்ளது.