10,000 அகதிகளைப் பணியில் அமர்த்த ஸ்டார்பக்ஸ் திட்டம்

நியூயார்க்: அமெரிக்க அதிபர் டிரம்ப் அறிவித்துள்ள பயணத் தடைக்கு பதிலடி கொடுக்கும் வகையில் ஸ்டார்பக்ஸ் காஃபி நிறுவனம் அடுத்த ஐந்து ஆண்டுகளில் உலகெங்கிலுமிருந்து 10,000 அகதிகளை வேலையில் சேர்க்கத் திட்டமிட்டுள்ளதாக அறிவித்துள்ளது. ஸ்டார்பக்ஸ் தலைவர் ஹோவர்ட் ஸ்ஹுல்ட் அந்நிறுவனத்தின் இணையப் பக்கத்தில் இதனைத் தெரிவித்துள்ளார். ஜனநாயகக் கட்சியின் ஆதரவாளரான ஸ்ஹுல்ட், புதிய அதிபர் டிரம்ப்பின் உத்தரவு ஊழியர்களுடனான ஸ்டார்பக்ஸ் நிறுவனத்தின் தொடர்பை பாதிப்பதாகக் கூறினார்.