கலிஃபோர்னியா காட்டுத் தீ: 31 பேர் மரணம்

சொனொமா: கலிஃபோர்னியா வின் வடக்குப் பகுதியில் பரவி வரும் கடும் காட்டுத் தீயில் இதுவரை 31 பேர் மரணம் அடைந்துள்ளனர். இன்னும் நூற்றுக்கணக்கானோரைக் காணவில்லை. கலிஃபோர்னியாவின் வரலாற்றிலேயே மிக மோசமான காட்டுத் தீயாக இது வகைப் படுத்தப்பட்டுள்ளது. மிக அதிகமான உயிர் சேதமும் நியூயார்க் நகரின் அளவிற்கு 77,000 ஹெக்டர் நிலமும் சேதம் அடைந்துள்ளது. பலத்த காற்று தீயை மேலும் பரப்பி வரும் வேளையில் சுமார் 8,000 தீயணைப்பாளர்கள் தீயைக் கட்டுப்படுத்தும் முயற்சியில் ஈடுபட்டு வருகின்றனர். 5,000க்கும் மேலான குடியிருப்பாளர்களை வீடுகளை விட்டு வெளியேறும்படி அதிகாரிகள் கூறியுள்ளனர்.