இந்தோனீசியாவில் பயிற்சி நிலையத்தை நிறுவ ஜாக் மா விருப்பம்

பாலி: பிரபல இணைய வர்த்தகத் தளமான அலிபாபாவின் இணை நிறுவனர் ஜாக் மா, இந்தோனீசியாவில் தொழில்நுட்பப் பயிற்சி நிலையம் ஒன்றை நிறுவ விரும்புவதாகத் தெரிவித்துள்ளார். அலிபாபாவின் தலைவர் பதவியிலிருந்து அடுத்தாண்டு விலகவுள்ள அவர், இணைய வர்த்தகம் தொடர்பான பயிற்சிகளை இந்த நிலையம் இந்தோனீசியர்களுக்கு வழங்கும் என அனைத்துலக பண நிதிய கூட்டத்தின்போது செய்தியாளர்களிடம் தெரிவித்தார். ஆயினும், இந்நிலையம் எப்போது திறக்கப்படும் என்பதைப் பற்றி அவர் கூறவில்லை. அலிபாபா நிறுவனத்தின் ஆகப் பெரிய சந்தைகளில் இந்தோனீசியாவும் ஒன்று.