சமூக ஊடகங்களில் நஜிப்புக்கு கிடைத்துள்ள வரவேற்பு குறித்து தமக்கு கவலை இல்லை என்கிறார் மகாதீர்

புத்ராஜெயா: சமூக ஊடகங்களில் மலேசியாவின் முன்னாள் பிரதமர் நஜிப் ரசாக்கிற்கு திடீரென வர­வேற்பு கிடைத்திருப்பது குறித்து தமக்கு எந்தவொரு கவலையும் இல்லை என்று மலேசியப் பிரதமர் மகாதீர் முகம்மது கூறியுள்ளார்.
பக்கத்தான் ஹரப்பான் கூட்டணித் தலைவரான டாக்டர் மகாதீர், தமது கூட்டணிக்கு நஜிப் ஒரு மிரட்டல் அல்ல என்றும் அதனால் அவர் தொடர்ந்து பல மேடைகளில் உரைகள் நிகழ்த்த அரசாங்கம் அனுமதி வழங்கி உள்ளது என்றும் சொன்னார்.
"அதிகமான கதை­களைச் சொல்வதால் சமூக ஊட­கங்களில் நஜிப் பிரபலமாவது­போல தெரி­கிறது," என்று நேற்று முன்தினம் செய்தியாளர்களிடம் டாக்டர் மகாதீர் கூறினார்.
அரசாங்கத்தின்மீது நஜிப் தொடுக்கும் தாக்குதல்கள், குறிப்­பாக, ரிங்கிட் நாணயத்தின் தொடர் சரிவு குறித்து அவர் எழுப்பும் கேள்விகளை டாக்டர் மகாதீர் தட்டிக் கழித்தார்.
"ரிங்கிட் சரியவில்லை. அமெ­ரிக்க டாலர் வலுவானதுதான் பிரச்சினை.
"ரிங்கிட்டின் மதிப்பை வலு­வாக்க நாங்கள் முயற்சி செய்து வருகிறோம். நாட்டின் பொருளியல் செயல்பாட்டை தீர்மானிக்கும் அம்சமாக அதன் நாணயம் கரு­தப்படக்கூடாது," என்றார் அவர்.
"தான் சொல்லும் கருத்துகளை இப்போதைய அரசாங்கம் ஏன் செய்யவில்லை என்று வினவும் நஜிப், அவர் ஆட்சியில் இருந்த­போது ஏன் செய்யவில்லை?
"எங்களுக்கு சொல்லும் கருத்துகளை அப்போது அவர் செய்திருந்தால், அவர் இன்னும் பிரதமராக நீடித்திருப்பார்," என்று டாக்டர் மகாதீர் கூறினார்.
தனது ஆக அண்மைய ஃபேஸ்புக் பதிவு ஒன்றில், கச்சா எண்ணெயின் விலை உயர்ந்து வந்த போதிலும் ரிங்கிட்டின் மதிப்பு தொடர்ந்து சரிவது குறித்து தனது அக்கறையை வெளிப்படுத்தி இருந்தார்.
முன்னதாக, அனைத்துலக எண்ணெய் விலையின் ஏற்ற இறக்கத்திற்கு ஒத்துப்போன ரிங்கிட்டின் மதிப்பிற்கு இப்போதைய போக்கு மாறுபட்டு இருப்பதாக நஜிப் பதிவிட்டு இருந்தார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!