மின்தடை: மின்சார நிறுவனத்தைச் சாடும் இந்தோனீசிய அதிபர் ஜோக்கோ விடோடோ

ஜகார்த்தா: இந்தோனீசியாவில் நேற்று முன்தினம் ஏற்பட்ட மின்தடை குறித்து குறிப்பிட்ட மின்சார நிறுவனத்தைச் சாடியுள்ளார் அதிபர் ஜோக்கோ விடோடோ.

100 மில்லியனுக்கும் அதிகமான மக்கள் வசிக்கும் பகுதிகளைப் பாதித்த மின்தடை ஞாயிற்றுக்கிழமை ஏற்பட்டதை அடுத்து, மின்சக்தி நிறுவனமான பிஎல்என் நிறுவனத்திடம் ஏன் மாற்றுத் திட்டம் இல்லை என்று கேட்டார்.

"இந்த பெரிய நிகழ்வை ஏற்படுத்தக்கூடிய விஷயங்கள் எதிர்காலத்தில் மீண்டும் நடக்கக்கூடாது," என்று பிஎல்என் நிர்வாகத்திடம் அவர் கூறினார்.

"மிக முக்கியமான விஷயம் என்னவென்றால், அதை விரைவாக சரிசெய்ய நான் கேட்டுள்ளேன்," என்று அவர் கூறினார்.

இந்தோனீசியாவின் அரசாங்க மற்றும் வணிக மையமான ஜகார்த்தாவில் அவ்வப்போது மின்தடை ஏற்படுகிறது.

அவை பொதுவாக குறுகிய கால மற்றும் சில பகுதிகளுடன் மட்டுப்படுத்தப்படுகின்றன.

ஆனால், தவறான ஒலிபரப்பு சுற்றுகள் 'அடுக்கு மின்னழுத்தத்தை' தூண்டியதால் கடந்த ஞாயிற்றுக்கிழமை மின்சார விநியோகம் தடைபட்டதாகக் கூறப்படுகிறது.

இதனால் ஜாவா தீவின் மேற்கு பகுதிக்கு மின்சாரம் வழங்கும் மின் உற்பத்தி நிலையங்கள் துண்டிக்கப்பட்டன. இதனால், ரயில் சேவை, சாலை சமிக்ஞைகள் பாதிக்கப்பட்டதால், பயணிகள் பெரும் அவதிக்குள்ளாயினர்.

2005 ஆம் ஆண்டில் ஜாவா மற்றும் பாலி ஆகிய பகுதிகளில் ஏற்பட்ட பெரும் மின்தடைக்குப் பிறகு இந்த மின்தடை மிகவும் கடுமையான ஒன்றாகும்.