பிரிட்டிஷ் சிறுமி நோரா பட்டினியால் மரணம்

கோலாலம்பூர்: பிரிட்டிஷ் சிறுமி நோரா குய்ரின் பட்டனியால் இறந்ததாக பிரேதப் பரிசோதனை முடிவில் தெரியவந்துள்ளது என்று மலேசியப் போலிசார் தெரிவித்துள்ளனர்.

மலேசியாவில் பத்து நாட்களாத் தேடப்பட்டு வந்த 15 வயது பிரிட்டிஷ் சிறுமி நோராவின் சடலத்தை மீட்புக் குழுவினர் கடந்த செவ்வாய்க்கிழமை ஒரு காட்டுப் பகுதியில் கண்டுபிடித்தனர்.

நிர்வாணமாக காணப்பட்ட சிறுமியின் சடலத்தை கிட்டத்தட்ட 9 மணி நேரம் பரிசோதனை செய்த பிரேதப் பரிசோதனை நிபுணர்கள் நேற்று அறிக்கை வெளியிட்டனர்.

பல நாட்கள் பட்டினியால் வாடியதால் சிறுமியின் குடலில் ஏற்பட்ட ரத்தக் கசிவு காரணமாக அச்சிறுமி இறந்ததாக பிரேதப் பரிசோதனை முடிவில் தெரியவந்ததாக மாநில போலிஸ் படைத் தலைவர் முகம்மது மாட் யூசோப் கூறினார்.

நோரா கடத்தப்பட்டதற்கான அடையாளம் எதுவும் அவரது உடலில் காணவில்லை என்றும் அச்சிறுமி பாலியல் பலாத்காரம் செய்யப்படவில்லை என்றும் பிரேதப் பரிசோதனை முடிவு காட்டுவதாக முகம்மது யூசோப் கூறினார்.

நோராவின் சடலம் கண்டுபிடிக்கப்படுவதற்கு மூன்று நாட்களுக்கு முன்புதான் அச்சிறுமி இறந்திருக்க வேண்டும் என்று பிரேதப் பரிசோதனை நிபுணர்கள் நம்புவதாகவும் அவர் குறிப்பிட்டார். சுற்றுலாப் பயணமாக தன் பெற்றோருடன் இம்மாதத் தொடக்கத்தில் மலேசியா வந்திருந்த சிறுமி நோரா சிரம்பானில் உள்ள டூசுன் உல்லாச விடுதியில் தங்கிருந்தபோது திடீரென்று காணாமல் போனார்.

தங்கள் மகளைக் காணவில்லை என்று நோராவின் பெற்றோர் போலிசாரிடம் புகார் கொடுத்ததைத் தொடர்ந்து சிறுமியைத் தேடும் பணியில் மீட்புக் குழுவினரும் தொண்டூழியர்களும் ஈடுபட்டிருந்தனர்.

தேடப்பட்ட பத்தாவது நாளில் சிறுமி நோராவின் சடலத்தை மீட்புக் குழுவினர் கண்டுபிடித்தனர்.

பிரேதப் பரிசோதனை முடிவு நேற்று அறிவிக்கப்பட்ட நிலையில் பிரிட்டிஷ் சிறுமியின் மரணம் குறித்து பிரான்ஸ் கிரிமினல் விசாரணையைத் தொடங்கியுள்ளது என்று பிரெஞ்சு அரசாங்கத் தரப்பு வழக்கறிஞர் அலுவலகம் தெரிவித்துள்ளது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!