அனைத்துலக ஆரோக்கிய உச்சநிலை மாநாடு ஹாங்காங்கிலிருந்து சிங்கப்பூருக்கு மாற்றம்

ஆரோக்கியத் துறையை மையமாகக் கொண்ட ஓர் அனைத்துலக கூட்டத்தின் அமைப்பாளர்கள், முதலில் ஹாங்காங்கில் திட்டமிடப்பட்டிருந்த கூட்டத்தை சிங்கப்பூருக்கு மாற்றுகின்றனர்.

சுமார் 4.2 ட்ரில்லியன் அமெரிக்க டாலர் ($5.83 ட்ரில்லியன்) மதிப்பிலான உலகளாவிய ஆரோக்கிய பொருளாதாரத்தைச் சேர்ந்த சர்வதேச தலைவர்களின் முன்னணி கூட்டமாக அமைப்பாளர்களால் கூறப்படும் இந்த உலகளாவிய ஆரோக்கிய உச்சநிலை மாநாட்டின் (குளோபல் வெல்னஸ் சம்மிட்) இடமாற்றம் குறித்த அறிவிப்பு நேற்று வெளியிடப்பட்டது.

அக்டோபர் மாதம் 15ஆம் தேதி முதல் 17ஆம் தேதி வரை நடைபெறவுள்ள இம்மாநாடு, இப்போது சிங்கப்பூரில் உள்ள கிராண்ட் ஹயட் ஹோட்டலில் நடைபெறும்.

இந்த மாற்றத்திற்கான காரணம் குறிப்பிடப்படவில்லை என்றாலும், ஹாங்காங்கில் அரசாங்க எதிர்ப்பு ஆர்ப்பாட்டங்கள் 10வது வாரத்திற்குள் நுழைந்ததால், இந்த அறிவிப்பு வந்தது என்று நம்பப்படுகிறது.

இந்த ஆர்ப்பாட்டங்கள் ஹாங்காங் சர்வதேச விமான நிலையத்தில் நடவடிக்கைகளை முடக்கியுள்ளன. அதனால் பயணிகளுக்கு நீண்ட கால தாமதம் ஏற்பட்டதோடு, இந்த வாரம் 1,000 விமானப் பயணங்கள் ரத்து செய்யப்பட்டன.