லண்டனில் ஹாங்காங் அமைச்சர் மீது தாக்குதல்; சீனா கண்டனம்

ஹாங்காங் நீதித்துறை அமைச்சர் தெரேசா செங் லண்டனில் ஒரு கும்பலால் தாக்கப்பட்டதற்கு சீனாவும் ஹாங்காங் அரசாங்கமும் கண்டனம் தெரிவித்துள்ளன.

பல மாதங்களாக ஹாங்காங்கில் போராட்டங்கள் நடந்து வரும் நிலையில் ஆர்ப்பாட்டக்காரர்களுக்கும் அமைச்சர் ஒருவருக்கும் நேரடி வாக்குவாதம் நிகழ்ந்திருப்பது இதுவே முதன்முறை.

ஹாங்காங்கை சமரசத் தீர்வு, உடன்பாட்டு மையமாக பிரபலப் படுத்தும் முயற்சிக்காக லண்டன் சென்றிருந்தார் திருவாட்டி செங். அப்போது கிட்டத்தட்ட 30 ஆர்ப்பாட்டக்காரர்கள் அவரைச் சூழ்ந்துகொண்டு ‘கொலைகாரி’ என்றும் ‘அவமானம்’ என்றும் முழக்கமிட்டனர்.

திருவாட்டி செங்கிற்கு உடலில் கடுமையான காயங்கள் ஏற்பட்டு இருப்பதாக ஹாங்காங் அரசாங்கம் தெரிவித்துள்ளது. திருவாட்டி செங் கீழே விழுந்து கிடப்பதைச் சம்பவம் தொடர்பான காணொளி காட்டுகிறது.

“இது திருவாட்டி செங் மீது தொடுக்கப்பட்ட தாக்குதல்,” எனக் குறிப்பிட்டு, கடும் கண்டனம் தெரிவித்துள்ளார் ஹாங்காங் தலைமை நிர்வாகி கேரி லாம்.

இதனிடையே, இந்தச் சம்பவம் குறித்து முழுமையான விசாரணை நடத்த வேண்டும் என்றும் தனது பேராளர்கள், நிறுவனங்களுக்கான பாதுகாப்பை அதிகரிக்க வேண்டும்  என்றும் பிரிட்டிஷ் போலிசிடம் சீனா வலியுறுத்தி இருக்கிறது.

இதனிடையே, அரசாங்கத்திற்கு எதிரான போராட்டம் நேற்று ஐந்தாவது நாளாகத் தொடர்ந்ததால் ஹாங்காங் நகரம் முடங்கியது. பல்கலைக்கழக வளாகங்களைச் சுற்றியும் சில நெடுஞ்சாலைகளிலும் மாணவர்கள் தடுப்புகளை அமைத்துள்ளதால் பள்ளிகள் மூடப்பட்டன. வன்முறையைக் கட்டுப்படுத்த முடியாமல் போலிஸ் திணறி வருகிறது.

இதனிடையே, பத்தாண்டுகளில் முதன்முறையாக பொருளியல் மந்தநிலையை ஹாங்காங் எதிர் கொண்டுள்ளதாகத் தகவல் வெளியாகி உள்ளது. ஜூலை-செப்டம்பர் காலாண்டில் அதன் பொருளியல் 3.2% சுருங்கியதாக முதற்கட்ட மதிப்பீடுகள் கூறுகின்றன.

இப்பகுதியில் மேலும் செய்திகள்
நியூசிலாந்தில் மிக உயிர்ப்புடன் இருக்கும் எரிமலைகளில் ஒன்றான ‘ஒயிட் ஐலண்ட்’ நேற்று திடீரென புகையையும் சாம்பலையும் கக்கியது. 
படம்: டுவிட்டர்/மைக்கல் ஷேட்

நியூசிலாந்தில் மிக உயிர்ப்புடன் இருக்கும் எரிமலைகளில் ஒன்றான ‘ஒயிட் ஐலண்ட்’ நேற்று திடீரென புகையையும் சாம்பலையும் கக்கியது.
படம்: டுவிட்டர்/மைக்கல் ஷேட்

09 Dec 2019

நியூசிலாந்தில் எரிமலை வெடிப்பு; ஐவர் உயிரிழப்பு, பலர் காயம்

கடந்த ஆண்டில் இந்த பிரபஞ்ச அழகி பட்டத்தை வென்றவர் பிலிப்பீன்ஸ் நாட்டை சேர்ந்த கெட்ரினா கிரே (வலது). இவ்வாண்டின் வெற்றியாளரான தென் ஆப்பிரிக்காவின் சோசிபினி துன்சிக்கு அவர் மகுடம் சூட்டினார். படம்: ராய்ட்டர்ஸ்

09 Dec 2019

தென் ஆப்பிரிக்க நங்கை இவ்வாண்டின் பிரபஞ்ச அழகி

ஹாங்காங்கின் ஜனநாயக ஆதரவாளர்கள் தங்களின் ஐந்து கோரிக்கைகளை வெளிப்படுத்தும் வகையில் கைகளை உயர்த்தியவாறு நேற்றைய பேரணியில் பங்கேற்றனர். படம்: இபிஏ

09 Dec 2019

ஆர்ப்பாட்டங்களின் ஆறுமாத நிறைவை முன்னிட்டு ஹாங்காங்கில் பேரணி