தென்கொரியாவில் 131 பேர் பாதிப்பு

சோல்: கொரோனா கிருமித்தொற்றால் மோசமாக பாதிக்கப்பட்டுள்ள நாடுகளில் ஒன்றான தென்கொரியாவில் புதிதாக 131 பேருக்கு கிருமித்தொற்று ஏற்பட்டிருப்பது நேற்று உறுதி செய்யப்பட்டது. கிருமித்தொற்றால் மேலும் மூவர் உயிரிழந்தனர். அந்நாட்டில் நாள் ஒன்றுக்கு 150க்கும் குறைவான சம்பவங்கள் உறுதி செய்யப்பட்டிருப்பது இரு வாரங்களில் இதுவே முதன்முறை என்று கொரிய தொற்றுநோய் தடுப்பு, கட்டுப்பாடு நிலையம் கூறியது. தென்கொரியாவில் கிருமித்தொற்றால் பாதிக்கப்பட்டவர்களின் எண்ணிக்கை 7,500ஐ கடந்துவிட்டது.