மாணவர் முரசு
இ-பேப்பர்
வாஷிங்டன்: கொவிட்-19 கிருமி சீனாவிலிருந்து பரவத் தொடங்கியதால், தான் 'சீன கிருமி' என்று சொன்னதாகவும் அதில் எந்த தவறும் இல்லை என்றும் கூறியுள்ளார் அமெரிக்க அதிபர் டோனல்ட் டிரம்ப்.
சீன வெளியுறவு அமைச்சக செய்தித் தொடர்பாளர் ஜாவோ லிஜியன். கிருமித் தொற்றை அமெரிக்க ராணுவத்தோடு தொடர்புபடுத்த முயன்றதையடுத்து, டிரம்ப் 'சீன கிருமி' என்று கூறினார்.
அன்றாடச் செய்தியாளர் சந்திப்பில் பேசியபோது, தான் சீன கிருமி என்று கூறியதில் இனவாத கருத்து ஏதுமில்லை. அது சீனாவில் இருந்து பரவத் தொடங்கியதால் தான் அவ்வாறு கூறினேன் என்றார்.
கிருமித் தொற்றுக்கு எதிரான நடவடிக்கை பற்றி பேசிய அவர், "கண்ணுக்கு தெரியாத எதிரியுடன் நாம் போரில் ஈடுபட்டுள்ளோம். நாம் மட்டுமின்றி, உலகமே போரில் ஈடுபட்டுள்ளது. நிச்சயமாக அந்த எதிரியை வீழ்த்துவோம். அதற்காக எல்லா வளங்களையும் பயன்படுத்துவோம்.
"உலகத்தில், பாதிப்பு இல்லாத நாடுகள் பட்டியலில் அமெரிக்காவை நிச்சயம் இடம் பெறச் செய்வேன்," என்று கூறினார்.