ஸ்பெயின்: ஹோட்டல்கள் மூடல்; தாதிமை இல்லங்களுக்கு உதவி

மட்­ரிட்: ஸ்பெ­யி­னில் கொரோனா கிரு­மித்­தொற்­றுச் சம்­ப­வங்­களும் மர­ணங்­களும் அதி­க­ரித்து வரும் வேளை­யில், அங்கு அனைத்து ஹோட்­டல்­க­ளை­யும் மூட உத்­த­ர­வி­டப்­பட்­டுள்­ளது. அத்­து­டன், கிரு­மிப் பர­வலை எதிர்­கொள்ள தாதிமை இல்­லங்­க­ளுக்கு உதவி வழங்­கப்­படும் என்­றும் தெரி­விக்­கப்­பட்­டுள்­ளது.

கிரு­மித்­தொற்­றால் ஸ்பெ­யி­னில் இது­வரை 1,002 பேர் இறந்­து­விட்­ட­னர்; கிட்டத்தட்ட 20,000 பேர் பாதிக்­கப்­பட்­டுள்­ள­னர்.

நாட்­டின் பய­ணத்­துறை நலிந்து வரும் நிலை­யில், அங்கு கிரு­மித்­தொற்­றைக் கட்­டுப்­ப­டுத்­தும் முயற்­சி­யாக அனைத்து ஹோட்­டல்­களும் பய­ணி­கள் தங்­கு­வி­டு­தி­களும் அடுத்த ஏழு நாட்­க­ளுக்­குள் மூடப்­பட வேண்­டும் என்று அரசு உத்­த­ர­விட்­டுள்­ளது.

உல­கில் பய­ணி­கள் அதி­கம் விரும்­பிச் செல்­லும் நாடு­க­ளின் பட்­டி­ய­லில் 2018ஆம் ஆண்­டில் ஸ்பெ­யின் இரண்­டாம் இடத்தை பிடித்­தது.

இந்­நி­லை­யில், இந்­தக் கிரு­மித்­தொற்று கார­ண­மாக ஸ்பெ­யின் ஏற்­னெவே தனது நாட்­டின் தரை­வழி எல்­லைப் பகு­தி­களை, குடி­மக்­கள், நிரந்­த­ர­வா­சி­க­ளாக இல்­லா­த­வர்­க­ளுக்கு மூடி­விட்­டது குறிப்­பி­டத்­தக்­கது.

இதில் நீண்­ட­கால தங்­கும் வசதி­கள் வழங்­கும் விடு­தி­களுக்கு விதி­வி­லக்கு அளிக்­கப்­பட்­டி­ருந்­தா­லும் அவ­ச­ர­கால நிலை அறி­விக்­கப்­பட்­டுள்ள ஸ்பெ­யி­னில் இந்­தத் தங்­கு­வி­டு­தி­க­ளுக்­கும் கடு­மை­யான கட்­டுப்­பா­டு­கள் விதிக்­கப்­பட்­டுள்­ள­தா­கக் கூறப்­படு­கிறது.

ஸ்பெ­யி­னில் தற்­பொ­ழுது அவ­சி­ய­மி­ருந்­தால் மட்­டுமே மக்­கள் வெளி­யில் நட­மா­ட­லாம் என்று அறி­விக்­கப்­பட்­டுள்­ளது.

ஸ்பெ­யி­னில் கிரு­மிப் பர­வல் தடுப்­ப­தற்­காக எடுக்­கப்­படும் முயற்­சி­களில் உதவ பல்­லா­யி­ரக்­க­ணக்­கான ராணு­வப் படை­யி­னர் பணி­யில் ஈடு­ப­டுத்­தப்­பட்­டுள்­ள­னர்.

தனி­நாடு கேட்­டுப் போரா­டி வரும் கேட்­ட­லோ­னி­யா­வில் விமான நிலை­யம், துறை­மு­கம் உள்­ளிட்ட பகு­தி­களில் கொரோனா கிரு­மி­யைத் துடைத்து ஒழிக்­கும் பணி­ய மேற்­கொள்­ளப்­பட்டு வரு­வதாக ராய்ட்­டர்ஸ் செய்தி கூறு­கிறது.