வாஷிங்டன்: அதிபர் டிரம்ப் தமக்கு கிருமி தொற்று இருக்கிறதா என்று மீண்டும் சோதித்துக் கொண்டார்.
அந்தச் சோதனையில் அவருக்கு கிருமி தொற்று இல்லை என்பது தெரிய வந்தது.
சுமார் 15 நிமிடங்களில் கிருமி தொற்றைக் கண்டுபிடிக்கும் புதிய சாதனம் மூலம் அவருக்கு பரிசோதனை நடத்தப்பட்டது.
“புதிய சாதனம் எப்படி வேலை செய்கிறது என்ற ஆர்வத்தில் மீண்டும் பரிசோதனை செய்து கொண்டேன்,” என்று திரு டிரம்ப் சொன்னார்.
கடந்த மாதம் அவர் பரிசோதனை செய்து கொண்டபோதும் அவருக்கு கிருமி தொற்று இல்லை என்பது கண்டுபிடிக்கப்பட்டது.