இத்தாலி: பாதிப்பு குறைந்தாலும் இன்னமும் நிலைமை மோசம்

ரோம்: கொரோனா கிரு­மித்­தொற்று கார­ண­மாக படு­மோ­ச­மாக பாதிக்­கப்­பட்ட இத்­தா­லி­யில் பாதிப்­பும் மர­ணங்­களும் குறைந்துவந்த போதிலும் ஐரோப்­பா­வில் அந்த நாடுதான் படு­மோ­ச­மா­கப் பாதிக்­கப்­பட்ட நாடாகத் தொடர்கிறது.

அங்கு கொரோனா கிரு­மித்­தொற்று கார­ண­மாக 23,227 பேர் மாண்டுள்ளனர். இதில் அமெ­ரிக்­கா­வுக்கு அடுத்தபடி­யாக இரண்­டா­வது இடத்­தில் இத்­தாலி இருக்­கிறது. 175,925 பேர் பாதிக்­கப்­பட்டு இருக்­கி­றார்­கள் என்று குடி­மக்­கள் பாது­காப்­புத் துறை தெரி­வித்­தது.

இந்­நி­லை­யில், கொரோனா கிரு­மித்­தொற்று கார­ண­மாக நடப்­புக்கு வந்­துள்ள கட்­டுப்­பா­டு­க­ளை­யும் நிபந்­த­னை­க­ளை­யும் தளர்த்­து­வ­தன் தொடர்­பில் கருத்து இணக்­கம் வேண்­டும் என்று இத்­தாலிய அர­சாங்­கம் விரும்­பு­கிறது.

இருந்தாலும் நாட்­டில் பணக்­கார வடக்­குப் பகு­திக்­கும் ஏழ்மை நில­வும் தெற்­குப் பகு­திக்­கும் இடை­யில் இதன்­ தொ­டர்­பில் பதற்­றம் அதி­க­ரித்து இருப்பதாகத் தகவல்கள் தெரிவித்துள்ளன.