ஊழல் குற்றச்சாட்டு; அம்னோ தலைவர் மூசா அமான் விடுதலை

கோலா­லம்­பூர்: கோலா­லம்­பூர் உயர்­நீ­தி­மன்­றம் சாபா மாநில முன்­னாள் முதல்­வர் மூசா அமான் மீதான 46 குற்­றச்­சாட்­டு­களில் இருந்­தும் அவரை விடு­வித்­துள்­ளது.

மூசா­விற்கு எதி­ரான அனைத்து குற்­றச்­சாட்­டுக்­க­ளை­யும் அரசு தரப்பு வழக்­க­றி­ஞர் அஸார் அப்­துல் ஹமீது மீட்­டுக்­கொண்­ட­தைத் தொடர்ந்து அவரை விடு­தலை செய்­த­தாக நீதி­பதி முக­மட் ஜாமீல் உசேன் தெரி­வித்­தார்.

வழக்­கின் உண்­மை­களை கண்டறிவதில் எந்­த­வித பார­பட்­ச­மும் இல்­லா­மல் நடந்­து­கொண்­ட­தாக அரசு மற்­றும் நீதித்­து­றைக்கு மூசா நன்றி தெரி­வித்­தார்.

2003 முதல் 2018ஆம் ஆண்டு வரை சாபா முதல்­வ­ராக இருந்த மூசா அமான், வெட்­டு­மர நிறு­வ­னங்­கள் தொடர்­பான 30 லஞ்­ச குற்­றச்­சாட்­டுக்­கள் மற்­றும் 16 சட்­ட­வி­ரோத பணப்­ப­ரி­மாற்ற குற்­றச்­சாட்­டுக்­களை எதிர்­நோக்­கி­யி­ருந்­தார்.

கடந்த மாதம் முன்­னாள் பிர­த­மர் ­நஜிப்­பின் வளர்ப்பு மகன் 1எம்டிபி ஊழல் குற்­றச்­சாட்­டு­க­ளி­லி­ருந்து விடு­விக்­கப்­பட்­டது குறிப்­பி­டத்­தக்­கது.