'சிங்கப்பூரில் நடந்த சந்திப்பை டிரம்ப் விளம்பரமாக கருதினார்'

வாஷிங்­டன்: அமெ­ரிக்­கா­விற்­கும் வட­கொ­ரி­யா­விற்­கும் இடையே சிங்­கப்­பூ­ரில் நடந்த சந்­திப்பை அமெ­ரிக்க அதி­பர் டிரம்ப் ஒரு விளம்­ப­ர­மாக கரு­தி­ய­தாக அமெரிக்க முன்­னாள் தேசிய பாது­காப்பு ஆலோ­ச­கர் ஜான் போல்­டன் கூறியுள்­ளார்.

எனவே அர்த்­த­மற்ற கூட்­ட­றிக்­கை­யில் கையெ­ழுத்­தி­ட­வும் டிரம்ப் தயா­ராக இருந்­த­தா­க­வும் அவர் சொன்­னார்.

டிரம்ப் நிர்­வா­கத்­தில் தன்­னு­டைய 17 மாத அனு­ப­வங்­களை 577 பக்க புத்­த­க­மாக எழு­தி­யுள்­ளார் ஜான் போல்­டன்.

அந்த புத்­த­கத்­தில் டிரம்ப்பை கடு­மை­யாக விமர்­சித்­துள்ள போல்­டன், நாட்டு நல­னை­விட தன்­னு­டைய சொந்த நல­னுக்கே டிரம்ப் அதிக முக்­கி­யத்­து­வம் கொடுப்­ப­தா­க­வும் சாடி­யுள்­ளார்.

மேலும் கிம் உட்­பட வெளி­நாட்டுத் தலை­வர்­களை, டிரம்ப் அணு­கிய விதம் குறித்­தும் அவர் விவ­ரித்துள்ளார்.

2018ஆம் ஆண்டு ஜூன் 12ஆம் தேதி­யன்று டிரம்ப்­பும் வட­கொ­ரிய தலை­வர் கிம் ஜோங் உன்­னும் சிங்­கப்­பூ­ரில் முதன்­மு­றை­யாக சந்­தித்­த­னர்.

இந்த பேச்­சு­வார்த்­தையை டிரம்ப் விளம்­ப­ர­மாக கரு­தி­ய­தாக போல்­டன் தற்­போது குறிப்­பிட்­டுள்­ளார். இந்த சந்திப்பை தொடர்ந்து எதிர்த்து வந்த போல்டன், அது பெரும்பாலும் ரத்தாகிவிடக்கூடும் என்றும் அப்போது நம்பியதாகக் கூறினார்.

இச்­சந்­திப்பு வட­கொ­ரிய அணு­வா­யுத களைவு குறித்த நம்­பிக்­கையை எழுப்­பி­யது என்­றா­லும் இரு தலை­வர்­களும் வெளி­யிட்ட கூட்­ட­றிக்கை மிக­வும் தெளி­வற்­ற­தா­க­வும் ஒரு உறு­தி­யான காலக்­கெடு இல்­லா­த­தா­க­வும் இருந்­த­தாக அப்­போது விமர்­ச­கர்­கள் கூறி­யி­ருந்­த­னர்.