பிரதமருக்கான போட்டியில் அமைச்சரவை செயலாளர் சுகா

தோக்­கியோ: ஜப்­பான் பிர­த­ம­ருக்­கான போட்டி சூடு­பி­டித்­துள்ள நிலை­யில், ஜப்­பா­னின் தலைமை அமைச்­ச­ரவை செய­லா­ள­ரும் தற்­போ­தைய பிர­த­மர் ஷின்சோ அபே­வின் வல­து­க­ர­மாக செயல்­பட்டு வரு­ப­வ­ரு­மான யோஷி­ஹைட் சுகா­வும் அப்­போட்­டி­யில் கள­மி­றங்கி உள்­ள­தா­கக் கூறப்­ப­டு­கிறது.

ஜப்­பான் பிர­த­மர் ஷின்ஸோ அபே உடல்­ந­லப் பிரச்­சி­னை­யால், கடந்த வெள்­ளிக்­கி­ழமை பதவி வில­கு­வ­தாக அறி­வித்­தார்.

ஜப்­பா­னுக்­கான அடுத்த பிர­த­ம­ரைத் தேர்ந்­தெ­டுக்­கும் உட்­கட்சி தேர்­தல் வரும் 13-15 ஆம் தேதிக்­குள் நடை­பெ­றக்­கூ­டும் என்று எதிர்­பார்க்­கப்­படும் நிலை­யில், சுகா பிர­த­ம­ரா­கும் வாய்ப்­பு­கள் பிர­கா­ச­மாக உள்­ள­தாக ஆளும் லிப­ரல் ஜன­நா­யகக் கட்சி உறுப்­பி­னர்­கள் தெரி­விக்­கின்­ற­னர்.

கட்­சி­யி­ன­ரின் இந்த கருத்­துக்கு மறுப்பு தெரி­வித்­துள்ள அபே­வின் அமைச்­ச­ர­வை­யில் மிக முக்­கிய பங்கு வகிக்­கும் சுகா, ஜப்­பான் பொரு­ளா­தா­ரத்­தைச் சரி­வில் இருந்து மீட்­பதே தனது லட்­சி­யம் எனக் கூறி­னார்.

அதே­ச­ம­யம், "கட்­சி­யின் தலைமை பத­விக்­குப் போட்­டி­யி­டு

­வ­தைப் பற்றி நான் யோசிக்­கி­றேன். நீங்­கள் அனை­வ­ரும் எனக்கு ஆத­ர­வ­ளிக்க வேண்­டும்," என்று சுகா கட்­சி­யின் பொதுச்­செ­ய­லா­ளர் தோஷி­ஹிரோ நிகா­யி­டம் சொன்­ன­தாக டிவி டோக்­கியோ செய்தி வெளி­யிட்­டுள்­ளது.

2012ஆம் ஆண்­டில் அபே­வால் முக்­கிய பத­வி­யான தலைமை அமைச்­ச­ரவை செய­லா­ள­ராக தேர்ந்­தெ­டுக்­கப்­பட்ட சுகா, அர­சாங்­கத்­தின் உயர் செய்­தித் தொடர்­பா­ள­ரா­க­வும் கொள்­கை­கள் ஒருங்­கி­ணைப்­பா­ள­ரா­க­வும் செயல்­பட்டார்.

முன்­னாள் வெளி­யு­றவு அமைச்­சர் ஃபியுமியோ கிஷிடா, முன்­னாள் தற்­காப்பு அமைச்­சர் ஷிகெரு இஷி­பா­வும் ஏற்­கெ­னவே பிர­த­மர் பத­விக்­கான போட்­டி­யில் இருக்­கின்­ற­னர்.