கடத்தப்படவிருந்த எண்ணெய்க் கப்பலை மீட்டது பிரிட்டன் ராணுவம்

லண்டன்: இங்கிலீ‌ஷ் கால்வாயில் சென்றுகொண்டிருந்த எண்ணெய்க் கப்பல் ஒன்று கடத்தல்காரர்களால் கடத்தப்படுகிறது என்று கிடைத்த தகவலின் அடிப்படையில் கப்பலைச் சூழ்ந்த பிரிட்டனின் ராணுவத்தினர், லிபியக் கொடியைப் பறக்கவிட்டிருந்த நேவ் அண்ட்ரோமெடா எனும் அந்தக் கப்பலை தடுத்து நிறுத்தியது. சந்தேகத்தின்பேரில் கப்பலில் சென்ற ஏழு பேரை ராணுவம் கைது செய்து போலிசிடம் ஒப்படைத்தது. கப்பலில் பயணம் செய்த ஊழியர்கள் அனைவரும் பாதுகாப்பாக இருப்பதாக பிரிட்டனின் பாதுகாப்பு அமைச்சர் தனது டுவிட்டர் பதிவில் தெரிவித்துள்ளது. அந்தக் கப்பல் நைஜீரியாவில் இருந்து சவுத்தாம்படனை நோக்கிச் சென்று கொண்டிருந்தது.