அமெரிக்காவின் முன்னாள் அதிபர் பராக் ஒபாமா, தற்போது அதிபர் வேட்பாளராகப் போட்டியிடும் ஜனநாயகக் கட்சி வேட்பாளர் ஜோ பைடனுக்கு ஆதரவு தெரிவிக்க வந்த இடத்தில் அவர் கூடைப்பந்து சாகசம் ஒன்றைச் செய்து காட்டினார்.
பிலின்ட், மிஷிகனிலுள்ள பள்ளி ஒன்றில் விளையாட்டுக் கூடத்தில் இவர் நேற்று கூடைப்பந்து வித்தையைச் செய்து பார்ப்பவரை மகிழ்வித்தார். பள்ளிப் பருவத்தில் திரு ஒபாமா அதிகம் கூடைப்பந்து விளையாடியது குறிப்பிடத்தக்கது.
இதனைக் காட்டும் காணொளி மிக விரைவில் தீயெனப் பரவியது. லெப்ரோன் ஜேம்ஸ் உள்ளிட்ட பல்வேறு கூடைப்பந்து விளையாட்டாளர்களால் அது பாராட்டப்பட்டது.
அமெரிக்காவின் வாக்களிப்பு நாள் அன்று திரு ஒபாமா கூடைக்குள் பந்து வீசி விளையாடுவது வழக்கம் எனக் கூறப்படுகிறது.