அஸ்ட்ராஸெனகா ஏற்றுமதிக்கு தடை; பிரிட்டன் எச்சரிக்கை

லண்­டன்: அஸ்ட்­ரா­ஸெ­னகா தடுப்­பூசி ஏற்­று­ம­திக்குத் தடை விதிக்­கப்பட்­டால் பாத­க­மான விளை­வு­கள் ஏற்­படும் என்று பிரிட்­டன் எச்­ச­ரித்து உள்­ளது.

ஐரோப்­பிய நாடு­க­ளுக்­குத் தேவை­யான தடுப்­பூ­சி­கள் இல்­லை­யென்­றால் அஸ்ட்­ரா­ஸெ­னகா ஏற்­று­ம­திக்குத் தடை விதிக்­கப் படும் என்று ஐரோப்­பிய ஒன்­றி­யம் கூறி­யது.

ஆனால் அது நல்ல யோசனை அல்ல என்று பிரிட்­டன் தெரி­வித்­தது. தடுப்­பூசி பற்­றாக்­கு­றையை ஐரோப்­பிய ஒன்­றி­யம் எப்­ப­டிச் சமா­ளிக்­கப் போகிறது என்­பதை உல­கமே கண்­கா­ணித்து வரு­கிறது. இதில் புருஸ்­ஸல்­ஸின் நற்­பெ­ய­ருக்­கும் களங்­கம் ஏற்­படலாம் என்று பிரிட்­டிஷ் தற்­காப்பு அமைச்­சர் பென் வாலஸ் கூறி­னார்.

2021ஆம் ஆண்­டின் முதல் காலாண்­டிற்­குள் 90 மில்­லி­யன் முறை போடக்­கூ­டிய தடுப்­பூ­சி­களை விநி­யோ­கிக்க அஸ்ட்­ரா­ஸெ­னகா உறுதி வழங்­கி­யுள்­ளது. இதனை நிறை­வேற்ற முடி­யா­விட்­டால் அந்­நி­று­வ­னத்­துக்கு ஏற்­று­மதி தடை விதிக்­கப்­படும் என்று ஐரோப்­பிய ஒன்­றி­யத் தலை­வர் ஊர்­சுலா வோன் டெர் லேயென் கடந்த சனிக்­கி­ழமை மிரட்­டி­யி­ருந்­தார்.

ஆனால் தடுப்பூசி ஏற்றுமதிக்கு தடை விதிப்பது நல்ல தீர்வாக அமையாது என்று பிரிட்டன் கூறி வருகிறது.

தடுப்­பூசி விநி­யோ­கத்தை சுற்றி சுவர் எழுப்பி தடுக்­கப்­பட்­டால் பிரிட்­டன், ஐரோப்­பிய நாடு­கள் ஆகிய இரு தரப்பு குடி­மக்­களும் பாதிக்­கப்­ப­டு­வார்­கள் என்று அமைச்­சர் வாலஸ் கூறினார்.