தனி விமானங்களில் லண்டன் பறந்த பெரும் பணக்காரர்கள்

புது­டெல்லி: இந்­தி­யா­வில் 2வது கொவிட்-19 அலை கடு­மை­யாகப் பர­வுவதை அடுத்து இந்­திய பயணி­க­ளுக்கு பிரிட்­டன் தடை விதித்துள்ளது.

ஆனால் அதற்கு முன்­ன­தா­கவே லட்­சக்­கணக்­கில் பணத்­தைச் செலவிட்டு தனி விமா­னங்­களில் பெரும் பணக்­கா­ரர்­கள் லண்­டன் சென்­று­விட்­டார்­கள்.

பய­ணத் தடை வெள்­ளிக்­கி­ழமை நடப்­புக்கு வந்­தது. அதற்கு முந்தைய 24 மணி நேரத்­தில் எட்டு தனி­யார் விமா­னங்­கள் இந்­தி­யா­வில் இருந்து புறப்­பட்டு லண்­ட­னில் தரை­யி­றங்­கி­ய­தாக 'ஃபிளைட்­அவெர்' என்ற இணை­யத்­த­ளத்தை மேற்­கோள்­காட்டி டைம்ஸ் ஆஃப் இந்­தியா தெரி­வித்து இருக்­கிறது.

இத்­த­கைய வாடகை விமா­னத்­திற்குக் குறைந்­த­பட்­சம் ரூ. 72 லட்­சம் செல­வா­கும் என்­றும் அது குறிப்பிட்டு உள்ளது.

அந்த விமா­னங்­களில் நான்கு விமா­னங்­கள் மும்­பை­யில் இருந்தும் டெல்­லி­யில் இருந்து மூன்று விமா­னங்­களும் அக­ம­தா­பாத் நக­ரில் இருந்து ஒரு விமா­ன­மும் லண்­டன் புறப்­பட்­டுச் சென்­றன.

சென்ற வாரம் நேரடி விமா­னங்­களில் இந்­தி­யர்­கள் பல­ருக்கு இடம் கிடைக்­க­வில்லை என்­றும் அதை­யடுத்து ஒரு சில நிறு­வ­னங்­கள் இந்­தி­யா­வில் இருந்து கூடு­தல் சேவை­களை நடத்த அனு­மதி கேட்­ட­தா­க­வும் தெரி­ய வந்தது.

இத­னி­டையே, இந்­தி­யா­வுக்­கும் பிரிட்­ட­னுக்­கும் இடை­யில் வாடகை விமா­னச் சேவை­களை நடத்­து­வதற்கு அனு­மதி கேட்டு சென்ற வாரம் பிரிட்­டனைச் சாராத நிறு­வ­னங்­க­ளி­டம் இருந்து கோரிக்கை வந்­த­தாக பிரிட்­டன் சிவில் விமா­னப் போக்­கு­வ­ரத்து ஆணை­யத்­தின் பேச்­சா­ளர் ஒரு­வர் கூறி­ய­தா­க­வும் அந்தச் செய்தித்தாள் தெரி­வித்­தது.

ஆனால் அத்­த­கைய விண்­ணப்­பங்­கள் நிரா­க­ரிக்­கப்­பட்­டன அல்­லது மீட்­டுக்­கொள்­ளப்­பட்­ட­ன.

இந்­தி­யா­வில் இருந்து பய­ணி­கள் பிரிட்­ட­னுக்கு வர தடை­விதிக்­கப்­பட்டுள்ளது.

இந்­தி­யா­வில் தங்கி இருக்­கும் பிரிட்­டிஷ் குடி­மக்­கள் நாடு திரும்­பும்­போது 10 நாட்­கள் ஹோட்­ட­லில் தங்­களைக் கட்­டா­ய­மாக தனி­மைப்­ப­டுத்­திக்கொள்ள வேண்­டும் என்­றும் நிபந்­தனை விதிக்­கப்­பட்டு உள்ளது.