'சிங்கப்பூர் ரீடிஸ்கவர்ஸ்' பற்றுச்சீட்டுகள்: டிசம்பர் வரை நீட்டிப்பு

சிங்­கப்­பூ­ரர்­கள் அனை­வ­ருக்­கும் வழங்­கப்­பட்ட $100 மதிப்­புள்ள 'சிங்­கப்பூரை மீண்டும் ரசிப்பதற்கான' பற்­றுச்­சீட்­டைப் பயன்­ப­டுத்­து­வ­தற்­கான கால அவ­கா­சம் நீட்­டிக்­கப்­பட்டு உள்ளது.

ஜூன் மாதத்­தில் காலா­வ­தி­யா­க­வி­ருந்த அந்­தப் பற்­றுச்­சீட்­டு­களை இனி இவ்­வாண்டு டிசம்­பர் வரை பயன்­ப­டுத்த முடி­யும் என்று தெரி­விக்­கப்­பட்­டுள்­ளது.

கரை­யோ­ரப் பூந்­தோட்­டத்­தில் நேற்று ஓவி­யக் கண்­காட்­சி­யைத் தொடங்கி வைத்­துப் பேசிய வர்த்­தக தொழில் துணை அமைச்­சர் எல்­வின் டான், "உள்­ளூர் சுற்­று­லாத் தளங்­களை சிங்­கப்­பூ­ரர்­கள் சுற்­றிப்­பார்க்க இந்த நீட்­டிப்பு உத­வும்," என்­றார்.

கொள்­ளை­நோய் பர­வும் சூழ­லில் தேவை­யற்ற நெரி­ச­லைத் தவிர்க்க வேண்­டிய சூழ்­நி­லை­யில் வெவ்­வேறு இடங்­க­ளுக்கு சிங்­கப்­பூ­ரர்­கள் செல்ல இது வாய்ப்பு அளிக்­கிறது என்­றும் அவர் கூறி­னார்.

கடந்த ஆண்டு ஜூலை­யில் $320 மில்­லி­யன் மதிப்­புள்ள அந்த இயக்­கம் தொடங்­கப்­பட்­டது.

கிரு­மிப்­ப­ர­வ­லால் பெரி­தும் பாதிக்­கப்­பட்­டுள்ள உள்­ளூர் சுற்­று­லா­வுக்கு உத்­வே­கம் அளிக்­கும் வகை­யில் இந்­தத் திட்­டம் அறி­விக்­கப்­பட்­டது.

பதி­னெட்டு வய­துக்கு மேற்­பட்ட சிங்­கப்­பூ­ரர்­கள் அனை­வ­ருக்­கும் நூறு வெள்ளி வரை செல­வ­ழிக்­கும் வகை­யில் பற்­றுச்­சீட்­டு­கள் வழங்­கப்­பட்­டன.

இத­னைப் பயன்­ப­டுத்தி சிங்­கப்­பூ­ரர்­கள் உள்­ளூ­ரின் முக்­கிய, பிர­ப­ல­மான ஹோட்­டல்­களில் தங்­கலாம் அல்­லது உள்­ளூர் சுற்­றுலாத் தளங்­க­ளைச் சுற்­றிப் பார்க்­கலாம் என்று அறி­விக்­கப்­பட்­டது.

ஒரு மில்­லி­ய­னுக்கு மேற்­பட்ட சிங்­கப்­பூ­ரர்­கள், தங்­க­ளின் பற்­றுச்­சீட்­டு­களை ஒரு முறை­யா­வது பயன்­ப­டுத்­தி­யுள்­ள­னர் என்று சிங்­கப்­பூர் பய­ணத்­துறைக் கழ­கம் நேற்று தெரி­வித்­தது. 1.3 மில்­லி­யன் பரி­வர்த்­த­னை­கள் அவர்­கள் மூலம் செய்­யப்­பட்­டுள்­ளன.

ரீடிஸ்­க­வர் பற்­றுச்­சீட்­டுத் திட்­டம் மூலம் சிங்­கப்­பூ­ரின் சுற்­றுப்­ப­ய­ணம் தொடர்­பான வர்த்­த­கங்­களுக்கு $200 மில்­லி­ய­னுக்கு மேல் வழங்­கப்­பட்­டுள்­ளது.