ஐரோப்பிய கிண்ணம் 2020 தொடங்கியது

கடந்த ஆண்டு நடை­பெற இருந்த ஐரோப்­பிய கிண்­ணக் காற்­பந்­துப் போட்டி (யூரோ 2020) கொவிட்-19 நெருக்­க­டி­நிலை கார­ண­மாக ஒத்­தி­வைக்­கப்­பட்­டது. உல­கக் கிண்­ணக் காற்­பந்­துப் போட்­டி­யைப் போலவே ஐரோப்­பிய கிண்­ணக் காற்­பந்­துப் போட்­டி­யும் நான்கு ஆண்­டு­க­ளுக்கு ஒரு­முறை நடத்­தப்­ப­டு­கிறது.

இந்­நி­லை­யில், யூரோ 2020க்கான காத்­தி­ருப்பு ஒரு முடி­வுக்கு வந்­துள்­ளது. போட்­டிக்­கான கால அட்­ட­வ­ணை­யின்­படி இந்­தப் போட்­டியின் முதல் ஆட்­டம் சிங்­கப்­பூர் நேரப்­படி இன்று அதி­காலை 3 நடை­பெற்­றி­ருக்­கும். முதல் ஆட்­டத்­தில் துருக்­கி­யும் இத்­தா­லி­யும் மோது­கின்­றன.

யூரோ 2020 அடுத்த மாதம் 11ஆம் தேதி வரை நடை­பெ­றும். ஆட்­டங்­கள் 11 நாடு­களில் நடை­பெ­றும் என்று தெரி­விக்­கப்­பட்­டுள்­ளது. ஐரோப்­பிய கண்­டத்­தில் உள்ள பல நாடு­களில் ஐரோப்­பிய கிண்­ணக் காற்­பந்­துப் போட்டி ஒரே நேரத்­தில் நடை­பெ­றும்.

1998ஆம் ஆண்­டுக்­குப் பிறகு ஸ்காட்­லாந்து முதல்­மு­றை­யாக பிர­தான காற்­பந்­துப் போட்­டிக்­குத் தகுதி பெற்­றுள்­ளது. இங்­கி­லாந்து அதன் பெரும்­பா­லான ஆட்­டங்­களை சொந்த மண்­ணில் விளை­யா­டும். தொடர்ந்து இரண்­டா­வது முறை­யாக ஐரோப்­பிய காற்­பந்­துப் போட்­டி­யில் வேல்ஸ் கள­மி­றங்­கு­கிறது.

இங்­கி­லாந்­தும் ஸ்காட்­லாந்­தும் ஒரே பிரி­வில் இடம்­பெ­று­கின்­றன. 1996ஆம் ஆண்­டுக்­குப் பிறகு பிர­தான காற்­பந்­துப் போட்டி ஒன்றை பிரிட்­டன் முதல்­மு­றை­யாக ஏற்று நடத்­து­கிறது. அந்­தப் போட்­டி­யில் ஜெர்­மனி வாகை சூடி­யது.

இவ்­வாண்டு நடை­பெ­றும் போட்­டி­யில் இங்­கி­லாந்­தின் புகழ்­பெற்ற வெம்­பிலி விளை­யாட்­ட­ரங்­கத்­தில் முதல் சுற்று ஆட்­டங்­கள், காலி­று­திக்கு முந்­திய ஆட்­டம், இரண்டு அரை­யி­றுதி ஆட்­டங்­கள், இறுதி ஆட்­டம் ஆகி­யவை நடை­பெ­றும்.

ஸ்காட்­லாந்­தின் கிளாஸ்கோ, ஹாலந்­தின் ஆம்ஸ்­டர்­டாம், அசர்­பை­ஜா­னின் பாக்கு, ருமே­னி­யா­வின் புக்­கா­ரெஸ்ட், ஹங்­கே­ரி­யின் புடா­பெஸ்ட், டென்­மார்க்­கின் கோப்­ப­ன் ஹே­கன், ஜெர்­ம­னி­யின் மியூ­னிக், இத்­தா­லி­யின் ரோம், ஸ்பெ­யி­னின் செவியா ஆகிய நக­ரங்­களில் ஆட்­டங்­கள் நடை­பெ­றும்.

அயர்­லாந்­தின் டப்­ளின் நக­ரில் நடை­பெற இருந்த ஆட்­டங்­கள் ரஷ்­யா­வின் செயிண்ட் பீட்­டர்ஸ்­பர்க்­கிற்­கும் லண்­ட­னுக்­கும் மாற்­றப்­பட்­டுள்­ளன. ஸ்பெ­யி­னின் பில்­பாவ் நக­ரில் நடை­பெற இருந்த ஆட்­டங்­கள் செவியா நக­ருக்கு மாற்­றப்­பட்­டுள்­ளன. விளை­யாட்­ட­ரங்­கத்­திற்­குள் ரசி­கர்­களை அனு­ம­திக்க டப்­ளி­னும் பில்­பாவும் அனு­ம­திக்­கா­த­தால் இந்த மாற்­றம் செய்­யப்­பட்­டுள்­ளது.

ஹங்­கேரி தலை­ந­கர் புடா­பெஸ்ட்­டில் உள்ள புஸ்­காஸ் விளை­யாட்­ட­ரங்­கத்­தில் 68,000 ரசி­கர்­கள் அம­ர­லாம். அனைத்து இடங்­க­ளை­யும் நிரப்ப விளை­யாட்­ட­ரங்­கத்­தின் நிர்­வா­கம் திட்­ட­மிட்­டுள்­ளது.

இங்­கி­லாந்­தின் வெம்ப்லி விளை­யாட்­ட­ரங்­கத்­தில் 90,000 ரசி­கர்­கள் அம­ர­லாம். இம்­மா­தம் 21ஆம் தேதி­யன்று பிரிட்­ட­னில் கொவிட்-19 கட்­டுப்­பா­டு­கள் முடி­வுக்கு வந்த பிறகு இது சாத்­தி­ய­மா­கக்­கூ­டும் என்று எதிர்­பார்க்­கப்­ப­டு­கிறது. விளை­யாட்­ட­ரங்­கங்­களில் எத்­தனை பேர் அமர்ந்து ஆட்­டத்­தைக் காண­லாம் என்­பது குறித்து முடி­வெ­டுக்­கும் உரிமை அந்­தந்த நக­ரங்­க­ளுக்­குத் தரப்­பட்­டுள்­ளது. இதில் ஐரோப்­பிய காற்­பந்­துச் சங்­கம் தலை­யி­ட­வில்லை.

வெம்ப்லி விளை­யாட்­ட­ரங்­கத்­துக்­குச் செல்­லும் ரசி­கர்­கள் ஆட்­டம் தொடங்­கு­வ­தற்கு அதி­க­பட்­சம் 48 மணி நேரத்­துக்கு முன்­னால் கொவிட்-19 மருத்­து­வப் பரி­சோ­த­னைக்கு உட்­பட்டு கிரு­மித்­தொற்று இல்லை என்று உறுதி செய்ய வேண்­டும். விளை­யாட்­ட­ரங்­கத்­தில் இருக்­கும்­போது முகக்­க­வ­சம் அணிய வேண்­டும்.

விளை­யாட்­ட­ரங்­கத்­தில் ஆங்­காங்கே கை சுத்­தி­க­ரிப்­பான் போத்­தல்­கள் வைக்­கப்­பட்­டி­ருக்­கும். மற்ற ரசி­கர்­க­ளு­டன் நெருங்­கிய தொடர்­பில் இருக்­கக்­கூ­டாது என்று அறி­வு­றுத்­தப்­பட்­டுள்­ளது.

ரசி­கர்­கள் கொவிட்-19 மருத்­து­வப் பரி­சோ­தனை செய்து கிரு­மித்­தொற்று ஏற்­ப­ட­வில்லை என்று உறுதி செய்­யப்­பட்ட பிறகே அவர்­கள் விளை­யாட்­ட­ரங்­கத்­துக்­குள் அனு­ம­திக்­கப்­ப­டு­வர் என்று ஆஸ்ம்­டர்­டாம் நக­ரும் செவியா நக­ரும் தெரி­வித்­துள்­ளன. ரசி­கர்­க­ளின் உடல்­வெப்­ப­நி­லை­யும் பரி­சோ­திக்­கப்­படும் என்று அவை கூறின.

லண்­டன், புக்­கா­ரெஸ்ட், புடா­பெ­ஸட், கோப்­ப­ன்ஹே­கன், ரோம் ஆகிய நக­ரங்­களில் உள்ள விளை­யாட்­ட­ரங்­கங்­க­ளுக்­குள் நுழைய தடுப்­பூசி போட்­டுக்­கொண்­ட­தற்­கான ஆதா­ரம் அல்­லது கிரு­மித்­தொற்­றால் பாதிப்­பில்லை என்­ப­தற்­கான மருத்­துவ ஆதா­ரம் போது­மா­னது என்று தெரி­விக்­கப்­பட்­டுள்­ளது. விளை­யாட்டு அரங்­கங்­க­ளுக்­குள் நுழை­வ­தற்கு முன்பு ரசி­கர்­கள் கொவிட்-19 மருத்­து­வப் பரி­சோ­தனை செய்­து­கொள்ள வேண்­டுமா என்­பது குறித்து கிளாஸ்கோ, மியூ­னிக், பாக்கு ஆகிய நக­ரங்­கள் இன்­னும் தக­வல் தெரி­விக்­க­வில்லை.

போட்­டி­யில் மொத்­தம் 24 குழுக்­கள் கள­மி­றங்­கு­கின்­றன. இங்­கி­லாந்­தின் முதல் சுற்று ஆட்­டங்­கள் வெம்­பிலி விளை­யாட்­ட­ரங்­கத்­தில் நடை­பெ­றும். இங்­கி­லாந்து அதன் முதல் ஆட்­டத்­தில் குரோ­வே­ஷி­யாவை நாளை சந்­திக்­கிறது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!