தொடர்ந்து ஐந்தாவது இடத்தில் கோஹ்லி

1 mins read

துபாய்: டெஸ்ட் கிரிக்கெட் வீரர்

களுக்கான தரவரிசை பட்டியலை அனைத்துலக கிரிக்கெட் மன்றம் வெளியிட்டுள்ளது.

இதில் பந்தடிப்பாளர்களுக்கான வரிசையில் இந்திய அணித் தலைவர் விராத் கோஹ்லி ஐந்தாவது இடத்திலும் ரிஷப் பன்ட் மற்றும் ரோகித் சர்மா கூட்டாக இணைந்து ஆறாவது இடத்திலும் தொடர்கின்றனர்.

இம்மாதம் 18ஆம் தேதி தொடங்கும் நியூசிலாந்துக்கு எதிரான உலக டெஸ்ட் போட்டிக்கான

இறுதிப்போட்டியில் கோஹ்லி தலைமையில் இந்தியா களமிறங்க உள்ளது. தரவரிசையில் ஆறாவது இடத்தைப் பிடித்துள்ள ரிஷப் பன்ட் மற்றும் ரோகித் சர்மா தலா 747 புள்ளிகளைப் பெற்றுள்ளனர்.

பந்துவீச்சாளர் தரவரிசையில் தமிழக வீரர் ரவிச்சந்திரன்

அஷ்வின் இரண்டாவது இடத்தைத் தக்கவைத்துக்கொண்டார்.

பந்துவீச்சாளர் பிரிவுக்கான முதல் பத்து இடங்களில் இருக்கும் ஒரே இந்திய வீரர் எனும் பெருமை அஷ்வினைச் சேரும்.

ஆல்-ரவுண்டர் தரவரிசையில் இந்திய வீரர்கள் ரவீந்திர ஜடேஜா இரண்டவது இடத்திலும், ரவிச்சந்திரன் அஷ்வின் நான்காவது இடத்திலும் தொடர்கின்றனர்.

347 பந்துகளில் 200 ஓட்டங்கள் எடுத்த நியூசிலாந்தின் டெஸ்ட் அறிமுக வீரர் டேவன் கான்வே டெஸ்ட் பந்தடிப்பாளர் தரவரிசையில் 447 புள்ளிகளுடன் 77வது இடத்தில் நுழைந்துள்ளார்.

நியூசிலாந்தின் அணித் தலைவர் கேன் வில்லியம்சன் 895 புள்ளிகளுடன் முதலிடத்தில் உள்ளார்.

இச்செய்தியைப் பகிரவும்