மாணவர் முரசு
இ-பேப்பர்
கார்பிஸ் பே: சீனாவின் ஒரே வர்த்தகத் தடத்துடன் போட்டியிட உருவாக்கப்பட்டுள்ள புதிய உலகளாவிய உள்கட்டமைப்புத் திட்டத்துக்கு ஜி-7 நாடுகள் ஆதரவு தெரிவித்துள்ளதாக வெள்ளை மாளிகை தெரிவித்துள்ளது.
இந்தப் புதிய திட்டம் ஏழை நாடுகளுக்கு உதவியாக இருக்கும் என்று அது கூறியது.
Build Back Better World எனும் அந்தத் திட்டத்துக்கு இங்கிலாந்தில் நடைபெறும் மாநாட்டில் கலந்துகொள்ளும் ஜி-7 நாடுகளின் தலைவர்கள் ஒப்புதல் அளித்துள்ளதாக அமெரிக்க அதிபர் ஜோ பைடனின் நிர்வாகம் தெரிவித்துள்ளது.
"ஜி-7 தலைவர்களைச் சந்தித்து சீனாவுடனான உத்திபூர்வ போட்டி குறித்து அதிபர் பைடன் கலந்துரையாடினார். ஏழை நாடுகளுக்கு உதவும் உள்கட்டமைப்பை அமைப்
பதில் உறுதியாக இருப்பதாக அவர் தெரிவித்தார்," என்று வெள்ளை மாளிகை கூறியது.
பருவநிலை, சுகாதாரம், மின்னிலக்கத் தொழில்நுட்பம், பாலினச் சமத்துவம் ஆகியவற்றில் முதலீடு செய்ய ஜி-7 நாடுகளும் அதன் பங்காளிகளும் நிதி திரட்ட
விரும்புவதாக தெரிவிக்கப்பட்டது.
சீனாவின் ஒரே வர்த்தகத் தடத்தை 2013ஆம் ஆண்டில் சீன அதிபர் ஸி ஜின்பிங் அறிமுகப்
படுத்தினார். ஆசியா, ஐரோப்பா மட்டுமின்றி உலகின் மற்ற வட்டாரங்களையும் அது குறிவைத்துள்ளது. சீனாவின் ஒரே வர்த்தகத் தடத் திட்டத்துடன் ஒத்துழைக்க 100க்கும் மேற்பட்ட நாடுகள் ஒப்பந்தங்களில் கையெழுத்திட்டுள்ளன. இந்தத் திட்டத்தின்கீழ் ரயில் பாதைகள், துறைமுகங்கள், நெடுஞ்சாலைகள் உட்பட பல உள்
கட்டமைப்புகள் கட்டப்படும் என்று தெரிவிக்கப்பட்டுள்ளது.
ஆனால் இந்தத் திட்டத்தைப் பயன்படுத்தி சீனா அதன் ஆதிக்கத்தை விரிவுபடுத்த முயற்சி செய்வதாக அரசியல் விமர்சகர்கள் பலர் குறைகூறுகின்றனர்.