ஹாங்காங்: கொவிட்-19 பரவல் மட்டுப்பட்டு வரும் நிலையில், தடுப்பூசி போட்டுக்கொள்வதை ஊக்குவிக்கும் விதமாக ஹாங்காங்கில் வீடு, பென்ஸ் கார், தங்கக் கட்டிகள் என ஏராளமான பரிசுப்பொருள்கள் அறிவிக்கப்பட்டு வருகின்றன.
குவுன் டோங் பகுதியில் அமைந்துள்ள, 10.8 மில்லியன் ஹாங்காங் டாலர் (S$1.87 மி.) மதிப்பிலான, 449 சதுர அடி பரப்பளவு கொண்ட அவ்வீட்டிற்கான முத்திரைத்தாள் கட்டணத்தையும் முதலாண்டுக்கான நிர்வாகக் கட்டணத்தையும் தானே ஏற்றுக்கொள்வதாக அதை வழங்கும் சினோ குழுமம் அறிவித்துள்ளது.
அத்துடன், தலா 100,000 ஹாங்காங் டாலர் மதிப்புள்ள 20 'பிரீபெய்டு' கடனட்டைகளையும் அந்த நிறுவனம் பரிசாக வழங்கவுள்ளது.
இப்படி விலையுயர்ந்த பரிசுப்பொருள்கள் குறித்த அறிவிப்புகள் வெளியானதை அடுத்து, ஹாங்காங்கில் தடுப்பூசி போட்டுக்கொள்வோர் அல்லது முன்பதிவு செய்துகொள்வோர் விகிதம் அதிகரித்துள்ளது.
மொத்தம் 7.5 மில்லியன் மக்கள்தொகையைக் கொண்ட ஹாங்காங்கில் கடந்த பிப்ரவரி 26 முதல் தடுப்பூசி போடப்பட்டு வருகிறது. அங்கு இதுவரை 25 விழுக்காட்டினர், அதாவது 1.9 மில்லியன் பேர் குறைந்தது ஒரு தடுப்பூசியையும் 1.2 மில்லியனுக்கும் மேற்பட்டோர் இரு தடுப்பூசிகளையும் போட்டுக்கொண்டுள்ளனர்.