மாணவர் முரசு
இ-பேப்பர்
பதவி விலகினார் பிரிட்டிஷ் சுகாதார அமைச்சர் மேட் ஹேன்கோக்
லண்டன்: பிரிட்டனின் சுகாதார அமைச்சர் பதவியிலிருந்து மேட் ஹேன்கோக் பதவி விலகியுள்ளார். சக ஊழியருக்கு முத்தம் கொடுத்து நடப்பில் உள்ள சமூக இடைவெளி விதிமுறையை மீறியதற்காக அவர் பதவி விலகியதாக தெரிவிக்கப்பட்டது.
பொறுப்பற்ற முறையில் நடந்துகொண்டு பிரிட்டிஷ் மக்களுக்கு ஏமாற்றத்தை அளித்திருப்பதாக பிரிட்டிஷ் பிரதமர் போரிஸ் ஜான்சனுக்கு எழுதிய கடிதத்தை ஹேன்கோக் குறிப்பிட்டார்.
இந்நிலையில், ஹேன்கோக்கிற்குப் பதிலாக சுகாதார அமைச்சராகப் பொறுப்பேற்க தாம் தேர்ந்தெடுக்கப்பட்டிருப்பது தமக்குக் கிடைத்துள்ள மிகப் பெரிய கௌரவம் என்று
திரு சஜிட் ஜாவித் தெரிவித்துள்ளார்.
இதற்கிடையே, ஹேன்கோக்கும் அவருடன் பணிபுரியும் பெண்ணும் முத்தமிடும் காட்சிகளைக் காட்டும் காணொளி தொடர்பாக விசாரணை நடத்தப்படுகிறது.
இடிந்து விழுந்த கட்டடத்திலிருந்து
ஐந்தாவது சடலம் மீட்பு
மயாமி: அமெரிக்காவின் ஃபுளோரிடா மாநிலத் தலைநகரான மயாமியில் சில நாட்களுக்கு முன்பு இடிந்து விழுந்த கட்டடத்தின் இடிபாடுகளிலிருந்து மேலும் ஒரு சடலம் மீட்கப்பட்டுள்ளது.
இதுவரை குறைந்தது ஐந்து பேர் மாண்டுவிட்டதாக அதிகாரிகள் தெரிவித்தனர்.
150க்கும் மேற்பட்ட குடியிருப்பாளர்களைக் காணவில்லை என்றும் அவர்களைத் தேடும் பணி தொடர்கிறது என்றும் அதிகாரிகள் கூறினர்.
இதற்கிடையே, இந்தத் துயரச் சம்பவத்தில் உயிரிழந்தவர்களுக்கு அஞ்சலி செலுத்த தற்காலிக நினைவகம் ஒன்று அமைக்கப்பட்டுள்ளது.
ஆஸ்திரேலியாவில் வான்குடை
வீரர்கள் இருவர் மரணம்
சிட்னி: ஆஸ்திரேலியாவில் வான்குடை வீரர்கள் உயிரிழந்தனர். மாண்டவர்களில் ஒருவர் வான்குடை சாகசப் பயிற்றுவிப்பாளர்.
அவர்கள் சென்றுகொண்டிருந்த விமானத்தில் கோளாறு ஏற்பட்டதாக நம்பப்படுகிறது. இதையடுத்து விமானத்திலிருந்து குதித்த இருவரும் விமான நிலையத்தின்
ஓடுபாதைக்கு அருகில் விழுந்து மாண்டனர்.
இந்தச் சம்பவத்துக்கான காரணத்தைக் கண்டறிய
ஆஸ்திரேலியப் போக்குவரத்துப் பாதுகாப்புப் பிரிவும் போலிசும் விசாரணை நடத்துகின்றன.