வியட்னாமிலும் சீனாவைத் தாக்கிய கமலா

ஹனோய்: தென்­கி­ழக்கு ஆசிய சுற்­றுப் பய­ணத்­தின் ஒரு பகு­தி­யாக நேற்று வியட்­னா­முக்­குச் சென்ற அமெ­ரிக்கத் துணை அதி­பர் கமலா ஹாரிஸ், சீனா­வைக் கடு­மை­யாக விமர்­சித்துள்ளார்.

சீனா­வுக்கு வட்­டார நாடு­களும் அழுத்­தம் தர வேண்­டும் என்­று அவர் கேட்டுக்கொண்டார்.

தென்சீனக் கட­லின் சில பகு­தி ­களை சீனா, வியட்­னாம், புருணை, மலே­சியா, பிலிப்­பீன்ஸ், தைவான் ஆகிய நாடு­கள் சொந்­தம் கொண்­டாடி வரு­கின்­றன.

சீனா, அந்­தக் கட­லில் பெரும் பகுதி தனக்­குச் சொந்­தம் என்று கூறி வரு­கிறது.

உலக நாடு­க­ளின் கப்­பல் போக்குவ­ரத்­துக்கு முக்கிய வழித் தடமாக இருக்கும் தென் சீனக் கடலை சில குறிப்­பிட்ட நாடு­கள் சொந்­தம் கொண்­டா­டு­வ­தற்கு அமெ­ரிக்கா உள்­ளிட்ட நாடு­கள் எதிர்ப்பு தெரிவித்து வரு­கின்­றன.

வியட்­னா­மின் அதி­ப­ரைச் சந்­திப்பதற்கு முன்பு பேசிய கமலா ஹாரிஸ், "ஐநா கடல் சட்­டத்தை மதித்து நடக்­க­வும் அதி­கப்­ப­டி­யான கடல் பகு­தி­களை உரிமை கொண்­டாடுவதற்கு எதி­ரா­க­வும் சீனா­வுக்கு நெருக்­கு­தலை அளிக்க வேண்­டும் என்று குறிப்­பிட்­டார்.

தொடர்ந்து பேசிய அவர், வியட்­னா­மு­டன் உறவை மேம்படுத்­திக் கொள்ள விரும்­பு­வ­தாகவும் அவர் சொன்­னார். திரு­மதி ஹாரிஸ் 2வது நாளாக நேற்று சீனா­வைத் தாக்­கிப் பேசி­னார்.

முன்­ன­தாக சிங்­கப்­பூ­ரி­லும் அவர் சீனா­வுக்கு எதி­ரான கருத்­து­களை வெளி­யிட்­டி­ருந்­தார்.

இதை­ய­டுத்து சீனா­வின் அதி கார­பூர்வ ஊட­கம், கமலா ஹாரிசை சாடி­யி­ருந்­தது.

சீனா­வை­யும் தென்­கி­ழக்கு ஆசிய நாடு­க­ளை­யும் பிளவு­ ப­டுத்த கமலா ஹாரிஸ் முயற்சி செய்­வ­தாக அந்த ஊட­கம் கூறி­யி­ருந்­தது.