விண்வெளிக்கு முதல் சுற்றுலா பயணம்; வெற்றிகரமாக ஏவப்பட்டது ஃபால்கன் ராக்கெட்

ஃபுளோரிடா: முதல் விண்­வெளி சுற்­றுலா பய­ணி­கள் நால்­வ­ரு­டன் புறப்­பட்ட விண்­க­லம் வெற்­றி­க­ர­மாக பூமி­யின் நீள்­வட்ட பாதைக்­குள் நுழைந்­தது.

அமெ­ரிக்­கா­வைச் சேர்ந்த எலான் மஸ்க்­கின் ஸ்பேஸ் எக்ஸ் நிறு­வ­னம், இன்ஸ்­பி­ரே­ஷன்-4 என பெய­ரி­டப்­பட்­டுள்ள இத்­திட்­டத்­தில், விண்­வெளி வீர­ரா­கப் பயிற்சி பெறா­த ­சா­தா­ர­ண­மா­ன­வர்­களை முதல்­மு­றை­யாக விண்­வெ­ளிக்­குச் சுற்­றுலா அனுப்­பி­யுள்­ளது. இவர் களு­டன் விண்­வெளி வீரர்­கள் யாரும் செல்­ல­வில்லை என்­பது குறிப்­பி­டத்­தக்­கது.

ஃபுளோரி­டா­வில் உள்ள கென்­னடி விண்­வெளி மையத்­தி­லி­ருந்து சிங்­கப்­பூர் நேரப்­படி நேற்று காலை 8.00 மணி­ய­ள­வில் ஸ்பேஸ் எக்ஸ் நிறு­வ­னத்­தின் ஃபால்கன் 9 என்ற ராக்­கெட் விண்­ணில் சீறிப் பாய்ந்­தது. அடுத்த 12 நிமி­டங்­களில் விண்­க­லம் தனி­யா­கப் பிரிந்து, வெற்­றி­க­ர­மாக பூமி­யின் நீள்­வட்­டப்­பா­தைக்­குள் நுழைந்­தது. பூமி­யி­லி­ருந்து 575 கி.மீ. உய­ரத்­தில் இந்த விண்­க­லம் மூன்று நாட்­க­ளுக்­குச் சுற்றி வரும்.

இதற்­குப் பிறகு அட்­லாண்­டிக் கட­லில் ஃபால்கன் ராக்­கெட் தரை­யி­றங்­கும் எனத் தெரி­விக்­கப்­பட்­டுள்­ளது.

இந்­தச் சுற்­று­லா­வில் ஷிப்ட் 4 பேமண்ட் நிறு­வ­னத்­தின் நிறு­வ­ன­ரான 38 வயது ஜார்ட் ஐசக்­மேன், 29 வய­தான மருத்­து­வர் ஹேலே ஆர்­ச­னாக்ஸ், அமெ­ரிக்க விமா­னப்­படை முன்­னாள் வீர­ரான 42 வய­தான கிறிஸ் செம்ப்­ரோஸ்கி, 51 வயது பேரா­சி­ரி­யர் சியான் ப்ராக்­டர் ஆகிய நால்­வ­ரும் சென்­றுள்­ள­னர்.