சீனத் தடுப்பூசிகளின் தேவை குறைந்து வருகிறது

பெய்­ஜிங்: கொவிட்-19 கொள்­ளை­நோய் பர­வத் தொடங்­கிய ஆரம்ப நாட்­களில், அந்­நோய்க்கு எதி­ராக சீனா உரு­வாக்­கிய தடுப்­பூ­சி­கள் பெரி­தும் நாடப்­பட்­டது.

இருப்­பி­னும், உரு­மா­றிய டெல்டா கிரு­மிக்கு எதி­ரான செயல்­தி­றன், சீனா­வின் தடுப்­பூசி­க­ளுக்கு உள்­ளது குறித்து அக்­க­றை­கள் நில­வி­வர, நாடு­கள் தற்­போது அமெ­ரிக்க, ஐரோப்­பிய பக்­கம் தடுப்­பூ­சிக்­காக திரும்­பி­யுள்­ளன.

சீனா­வின் தடுப்­பூ­சி­க­ளுக்கு இருந்த மதிப்பு சரிந்­துள்­ளதை அந்­நாட்டு ஏற்­று­ம­தித் தர­வு­களில் காண முடிந்­தது. மனி­தர்­க­ளுக்­காக உரு­வாக்­கப்­பட்ட தடுப்­பூ­சி­களின் ஏற்­று­மதி, கடந்த ஆண்டு டிசம்­பர் மாதம் முதல் தொடர்ந்து அதி­க­ரித்து வந்­தது.

ஆனால் இவ்­வாண்டு ஜூலை­யில் பதி­வான 2.48 பில்­லி­யன் அமெ­ரிக்க டாலர் (S$3.38பி.) ஏற்று­மதி மதிப்பு, 21% சரிந்து ஆகஸ்ட் மாதத்­தில் 1.96 பில்­லியன் அமெ­ரிக்க டாலர் (S$2.67 பி.) மதிப்­பில் பதி­வா­கி­யது.

"ஆரம்­பக் கட்­டத்­தில் கிடைத்­ததை மக்­கள் எடுத்­துக்­கொண்­ட­னர். ஆனால் மருத்­துவ நிபு­ணர்­கள் மட்­டு­மன்றி பொது­மக்­களும் நாள­டை­வில் தடுப்­பூ­சி­க­ளுக்கு இடையே இருந்த வேறு­பா­டு­களை அறிந்­து­கொள்­ளத் தொடங்­கி­னர்.

"பாது­காப்பு என்ற அடிப்­ப­டை­யில் அனைத்து தடுப்­பூ­சி­களும் சமம் அல்ல என்­பதை அவர்­கள் உணர்ந்­து­விட்­ட­னர்," என்று ஹாங்­காங் நகர் பல்­க­லைக்­க­ழ­கத்­தின் இணைப் பேரா­சி­ரி­யர் நிக்­க­லஸ் தோமஸ் கூறி­னார்.