'அனைத்துலக பயணங்களுக்கு விதித்த தடை அகற்றப்படுகிறது'

சிட்னி: அனு­மதி பெறா­மல் வெளி­நா­டு­க­ளுக்­குப் பய­ணம் மேற்­கொள்ள முடி­யாது என்று தன் மக்­க­ளுக்கு ஆஸ்­தி­ரே­லியா விதித்­தி­ருந்த தடையை அகற்­று­வ­தாக அர­சாங்­கம் நேற்று அறி­வித்­தது.

ஆண்டு இறு­திக்­குள் திறன்­சார் ஊழி­யர்­கள், அனைத்­து­லக மாண­வர்­கள் ஆகி­யோ­ருக்­குத் தன் எல்­லையை ஆஸ்­தி­ரே­லியா திறக்க உள்­ள­தா­க­வும் எதிர்­பார்க்­கப்­ப­டு­கிறது.

அனைத்­து­லக எல்­லை­களை மூடி 18 மாதங்­க­ளுக்கு மேலா­கி­யுள்ள நிலை­யில் கொவிட்-19க்கு எதி­ராக முழு­மை­யா­கத் தடுப்­பூசி போட்­டுக்­கொண்ட ஆஸ்­தி­ரே­லி­யர்­கள், நாட்டை விட்டுப் போக அனு­மதி கோரத் தேவை­யில்லை என்று அந்­நாட்டு சுகா­தார, உள்­துறை விவ­கார அமைச்­சு­கள் கூட்­ட­றிக்கை விடுத்­தன.

நாட்­டில் பெரி­ய­வர்­க­ளுக்­கான இரட்டை தடுப்­பூசி விகி­தம், அர­சாங்­கத்­தின் 80% இலக்கை நெருங்­கும் வேளை­யில் இந்த அறி­விப்பு செய்­யப்­பட்­டுள்­ளது.

தற்­போது ஆஸ்­தி­ரே­லி­யர்­களுக்கு வெளி­நாட்­டுப் பய­ணங்­கள் தொடர்­பில் முன்­னு­ரிமை தரப்­ப­டு­வ­தா­கக் குறிப்­பிட்ட உள்­துறை விவ­கா­ரங்­கள் அமைச்­சர் கேரன் ஆன்ட்­ரூஸ், தடுப்­பூசி விகி­தம் அதி­க­ரிக்­கும்­போது ஆஸ்­தி­ரே­லி­யர்­கள் அல்­லா­த­வர்­க­ளை­யும் உள்­ள­டக்கி மேலும் அதி­க­மான பய­ணக் கட்­டுப்­பா­டு­கள் தளர்த்­தப்­படும் என்­றார்.

கிட்­டத்­தட்ட 600 நாட்­க­ளாக எண்­ணற்ற அனைத்­து­லக விமானப் பய­ணங்­கள் ஆஸ்­தி­ரே­லி­யா­வில் முடக்­கப்­பட்­டுள்­ளன.

பத்­தா­யி­ரக்­க­ணக்­கி­லான ஆஸ்­தி­ரே­லி­யர்­கள் வெளி­நா­டு­க­ளி­லும் வெளி­நாட்­ட­வர்­கள் ஆஸ்­தி­ரே­லி­யா­வி­லும் முடங்­கிய நிலை­யில் தங்­க­ளின் நண்­பர்­கள், உற­வு­க­ளைக் காண முடி­யா­மல் தவிப்­பில் உள்­ள­னர்.

இதற்­கி­டையே, 18 வய­துக்கு மேற்­பட்­டோ­ருக்கு கொவிட்-19க்கு எதி­ரான 'பூஸ்­டர்' தடுப்­பூ­சி­யைப் போடு­வ­தற்கு நேற்று ஆஸ்­தி­ரே­லியா ஒப்­பு­தல் அளித்­தது.

அத்துடன் 'பூஸ்­டர்' தடுப்­பூசி போடும் திட்­டம் நவம்­பர் 8ஆம் தேதிக்கு முன்­ன­தா­கவே நடை­முறைப்­ப­டுத்­தப்­படும் என்று அந்­நாட்டு சுகா­தார அமைச்­சர் கிரெக் ஹன்ட் தெரி­வித்­தார்.