கூட்ட நெரிசல்: குறைந்தது எட்டுப் பேர் பலி

லாஸ் ஏஞ்­ச­லிஸ்: அமெ­ரிக்­கா­வின் டெக்­சஸ் மாநி­லத்­தில் உள்ள ஹியூஸ்­டன் நக­ரில் நடை­பெ­ற்ற 'ஆஸ்ட்­ரோ­வர்ல்ட்' இசை விழா­வின் முதல் நாளில் குறைந்­தது எட்டுப் பேர் பலி­யா­ன­தா­கத் தெரி­விக்­கப்­பட்­டுள்­ளது. மேலும் பலர் காயமடைந்த இவ்விழா­வில் மக்கள் நெரி­சல் ஏற்­பட்­ட­தால் சிலர் நசுக்கப்பட்டு மர­ண­ம­டைந்­ததாக அதிகாரிகள் கூறினர்.

அமெ­ரிக்க நேரப்­படி நேற்று முன்­தி­னம் இரவு சுமார் ஒன்­பது மணிக்குப் பிர­பல 'ராப்' பாட­கர் ட்ரா­விஸ் ஸ்காட்­டின் இசை விருந்­தைக் காண கூட்­டம் கூடி­யது. அவர் இருந்த மேடையை நோக்கி மக்­கள் ஒரு­வ­ரை­யொ­ரு­வர் தள்ளி­ய­ப­டி சென்­ற­தால் பதற்­றம் ஏற்­பட்டது, சிலர் காய­ம­டைந்­தனர். அதற்­குப் பிறகு சுமார் 9.38 மணிக்கு நிலைமை களே­பர­மாக மாறி­யது, சிலர் மயக்­க­ம­டைந்தனர். பலர் உயி­ரி­ழக்­கக்­கூ­டிய நிலை உரு­வெ­டுத்­தது. மீட்­புப் பணி­யா­ளர்­கள் குறைந்­தது 17 பேரை மருத்­து­வ­ம­னை­களுக்­குக் கொண்டுசென்­ற­னர். அவர்­களில் குறைந்­தது 11 பேருக்கு மார­டைப்பு ஏற்­பட்­டது. நிலைமை இவ்­வ­ளவு மோச­மடைந்­த­தற்­கான கார­ணங்­கள் தெளி­வா­கத் தெரி­ய­வில்லை.

நிகழ்ச்­சி­யின் ஏற்­பாட்­டா­ளர்­கள், பாட­கர் ஸ்காட் இருதரப்­பும் காவல்­து­றை­யி­ன­ருக்கு ஒத்­துழைப்பு வழங்­கி­வ­ரு­வ­தா­கத் தெரி­விக்­கப்­பட்­டது. பல ரசி­கர்­கள் சிர­மப்­ப­டு­வ­தைக் கண்ட ஸ்காட், தனது படைப்­பைப் பல முறை நிறுத்­தி­ய­தாக சில ஊட­கங்­கள் கூறின.

அவ­ரது படைப்பு 75 நிமிடங்­கள் நீடித்­தது. அவ­சர உதவி வழங்­கும் வாக­னங்­கள் பல முறை கூட்­டத்­திற்கு நடுவே சென்­றன. திடீர் ஒளி­யும் அபாய ஒலி­யும் அவ்­வப்­போது இடம்­பெற்­றன.

இவ்­வி­ழா­வில் 50,000 பேர் திரண்­ட­தா­கத் தெரி­விக்­கப்­பட்­டது. 'ஆஸ்ட்­ரோ­வர்ல்ட்' இசை விழா இரண்டு நாட்­கள் நடை­பெ­ற­த் திட்டமிடப்பட்டிருந்தது. ஆனால் இரண்­டாம் நாள் நிகழ்ச்­சி­ ரத்து செய்­யப்­பட்டது.